________________
प्राकृतस्तोत्रप्रकाशः
१४३
सिरिसीमंधरणाहं, युगमंधरबाहुपुरिसपुंडरिए । पुज्जसुबाहुसुजायं, सयंपहं जिणवरं वंदे ॥ २४ ॥ उसहाणणजिणणाहं, अणंतविरियं सुरप्पहं वंदे ॥ तित्थाहिवइविसालं, वज्जहर जिणवरं वंदे ॥२५॥ चंदाणणतित्थपहुं, लोगहियं चंदबाहुतित्थयरं । भुयगेसरतित्थयरे, णेमिप्पहवीरसेणे य ॥२६॥ झाणंतरिए समए, घाइक्खयलद्धकेवलालोयं । जिणयमहाभद्दक्खं, देवजसं सव्वया वंदे ॥२७॥ तित्थयराजियविरियं, वन्दे विण्णायलोयतत्तत्थं । इय वीसइ तित्थयरा, महाविदेहेसु विहरंति ॥२८॥ उसहाजियजिणणाह, संभवणाहाभिणंदणं वंदे । सुमइं पउमजिणेसं, सुपासचंदप्पहं सुविहिं ॥ २९ ॥ सीयलसेज्जसपहु, वासवणयवासुपुज्जतित्थयरं । विमलाणंतजिणेसं, धम्मपहुं सव्वया वंदे ॥३०॥ विगयारिसंतिणाहं, कुंथु अरमल्लिजिणवरे वंदे । मुणिमुव्वयतित्थपहुं, णमिणेमिजिणेसरे बंदे ॥३१॥ पासं णिच्चं वंदे, सासणवइवद्धमाणतित्थयरं । चवीसइ तित्थयरा, मम कम्माइं पणासंतु ॥ ३२ ॥ जुम्मणिहाणणिहिंदु-पमिए वरिसे य मग्गसिरमासे । सुक्के पक्खे पढमे, दियहे विमलायले तित्थे ॥३३॥
