________________
प्राकृतस्तोत्रप्रकाशः
॥ आर्याच्छंदः ॥ जस्स पसाया णट्ठा-पीडा कुटुस्स अभयदेवस्स ॥ तं थंभतिथपासं-वंदामि महप्पहावड़ें ॥ ११ ॥ सगमासे णवदियहे, रामेण कया पहाण विबच्चा। टवियं थंभणणामं, सायरजलथंभणा तेणं ॥ १२ ॥ इक्कारसलक्खसमे-पच्छिमदिसिलोयवालवरुणेणं ॥ विहिया पहुणो पूया-निरुवमसब्भावकलिएणं ॥१३॥ सेवित्था कण्हनियो-जिणवरसिरिणेमिणाहमुहवयणा॥ नियणयरीए भावा-उवसग्गणिवारणटुं च ॥ १४ ॥ दुसहस्सवरिसकालं-कंतिउरीए धणेसधणवइणा ॥ अच्चियमाणंदभरा-थंभणपासस्स बिंबमिणं ॥१५॥ नागज्जुणो वि लहए-कंचणसिद्धिं सुदुल्लहं विउलं ॥ थंभणपासज्झाणा-अहिगयपीडा पणस्संति ॥१६॥ एवं णच्चा भव्वा !-पासचणवंदणाइबहुमाणं ॥ इत्थबद्धलक्खा-कुणंतु सिद्धिं पि पावेंतु ॥१७॥ जुम्मनिहाणणिहिंदु-प्पमिए वरिसे य माहवे मासे ॥ सियपक्रवचउत्थदिणे-पुण्णे सिरिरायनयरंमि ॥१८॥ रइयमिणं सुहथुत्तं-थंभणपासस्स पुजपायस्स ॥ विविहत्थसन्थकलियं-मंगलकल्लाणरिद्धियरं ॥१९॥ तवगणगयणदिवायर-गुरुवरसिरिणेमिसरिसीसेणं॥ पउमेणायरिएणं-पढंतु भव्वा ! विणोएणं ॥ २० ॥
(त्रिभिर्विशेषकम् )