Page Text
________________
પણ બંધ કરવાનો આદેશ કેમ આપતા નથી. તબલાની જોડે શ્રી તીર્થંકરની પ્રતિમા જોડે કોઇ નિસ્બત નથી તથા તેની સરખામણી કરવી અયોગ્ય છે.
શ્રી તીર્થંકર ભગવંતે તેમની દેશનામાં કહેલ છે કે તમે સત્યનો અનુભવ કરીને પછી જ તેનો સ્વીકાર કરો. હું કરું છુ માટે પણ નહી. અંધશ્રધ્ધાથી ધર્મનો સ્વીકાર કરવો નહી. માટે સત્યને અનુભવો. જ્યારે આપણે સત્યનો અનુભવ થવા છતાં પણ તેનો સ્વીકાર કરવા તૈયાર નથી વરખની પ્રક્રિયા હિંસક રીતે થાય છે તે સત્ય હકીકત અનુભવવા છતાં પણ તેની અવગણના કરવી તે શ્રી તીર્થંકર ભગવંતની દેશનાની વિરૂધ્ધ છે તે ધર્મ નથી. માટે શ્રી જૈન સમાજ અસંખ્ય જીવોની હિંસાના પાપમાંથી બચવું હોય તો વરખ જૈન મંદિરોમાં તેમજ ખાદ્ય વસ્તુઓ ઉપર તેનો ઉપયોગ બંધ કરવાની આજ્ઞા આપે. તેમ કરવાથી શ્રી તીર્થંકર ભગવંતની દેશનાને આચરણમાં મુકવાનો લાભ મળશે. આ નિર્ણય તમે જાતે લઇ શકો છો તેમજ બધા સંઘો ભેગા મળી ને પણ લઇ શકે છે. શ્રી જૈન મંદિરોમા વરખ બંધ કરવા માટે તેના ટ્રસ્ટીઓ નિર્ણય લઇ શકે છે. તેમાં કોઇની આજ્ઞાની જરૂરત નથી. ઘણા સંઘોએ તેમજ ઘણા શ્રી જૈન મંદિરના ટ્રસ્ટીઓએ આ નિર્ણય લીધેલ છે માટે જેઓ શ્રી તીર્થંકર ભગવંતના અહિંસા ધર્મને સ્વીકારતા હોય તેઓ સર્વોએ જાતે અથવા સામુદાયિક નિર્ણય લેવો જ જોઇએ અને વરખનો ઉપયોગ સદંતર બંધ કરવો જોઇએ.
હિંસા થકી ક્યારેય ભાવધર્મ ઉત્પન્ન થઇ શકે જ નહી. ભાવધર્મ માટે આપણી પાસે અસંખ્ય પ્રક્રિયાઓ છે તો શા માટે માઉસની પોથીમાં મુકાઇને ટીપાઇને બનેલા વરખ શ્રી ભગવંતની પ્રતિમા પર લગાડી પાપ કર્મ બાંધવુ. પ. પૂ. આચાર્ય શ્રી પદ્યુમન વિજયજી સાહેબે 12/13 વર્ષ પહેલા શ્રી ગોડીજી જૈન ઉપાશ્રયમાં વ્યાખ્યાનમાં વરખની અપવિત્રતા સમજાવેલ અને વરખ શ્રી જિન પ્રતિમા પર ન વપરાય તેવો ઉલ્લેખ કરેલ. માટે મારી શ્રી સકળ જૈન સંઘોને નમ્રતાપૂર્વક વિનંતી છે કે વરખ ન વાપરવા માટેનો આદેશ આપતો ઢંઢેરો બહાર પાડવો અને દરેક જૈન મંદિરના ટ્રસ્ટીઓ પણ આવો આદેશ આપે જેથી જૈન સમાજ જેઓ વરખનો ઉપયોગ કરે છે તો એ પાપકર્મથી બચે.
વરખ - 14
| SR No. | 006169 |
| Book Title | Varakh Narakno Saral Marg |
| Original Sutra Author | N/A |
| Author | Navinchandra K Kapadia |
| Publisher | Navinchandra K Kapadia |
| Publication Year | |
| Total Pages | 20 |
| Language | Gujarati |
| Classification | Book_Gujarati |
| File Size | 3 MB |