________________
तथा पैंतालीसा रा लिखत में कह्यो-टोळा मांहि कदाच कर्म जोगे टोळा बारै पड़ै तो साध साधवियां रा अंस मात्र ओगुणवाद बोलण रा त्याग छै । टोळा सूं फाड़ नै साथे ले जावण रा त्याग छै। उ आवै तो ही ले जावण रा त्याग छै। टोळा मांहै न बारै नीकळे तो पिण अवगुणवाद बोलण रा त्याग छै। मांहोमां मन फटै ज्यूं बोलण रा त्याग छै । इम पेंताळीसा रा लिखत में कह्यो। ते भणी सासण री गुण कीर्त्तन रूप बात करणी । भागहीण हुवै सो उतरती बात करै, सु ते पिण भागहीण, सुणी आचार्य नै न कहै, ते पिण भागहीण । तिण नै तीर्थंकर नो चोर कहणो, हरामखोर कहणो, तीन धिकार देणी ।
आयरिए आराहेइ, समणे यावि तारिसो। गिहत्था वि णं पूयंती, जेण जाणंति तारिसं ॥ आयरिए नाराहेइ, समणे यावि तारिसो। गिहत्था वि णं गरहंति, जेण जाणंति तारिसं ॥ इति 'दशवैकालिक में कह्यो ते मर्यादा आज्ञा सुध आराध्यां इहभव में परभव में कल्यांण सुख हुवै।
ए हाजरी रची द्वितीय जेठ विद ७ वार शुक्र सैहर बीदासर मध्ये |
१. दसवेयालियं, ५/२/४५/४०
छब्बीसवीं हाजरी :
३१९
