________________
વૈશાખ સુદ-૧૧
ગણધર પદ પ્રદાન દિન.
લગભગ આ સંઘ સ્થાપનાદિની વિધિ-એક પહોર (૩ કલાક)માં ઐતિહાસિક રીતે પૂર્ણ થઈ ત્યારે પ્રભુની દેશનાની સમાપ્તિ અવસરે રાજાઓ દ્વારા તૈયાર કરાયેલા ‘બળી” (બાફેલા ચોખા વિ.) પૂર્વ ધારથી ઉછાળવાના શરૂ થયા. તેમાંથી અડધો ભાગ આકાશમાં દેવતાએ ગ્રહણ કર્યો અને બાકીનો રાજા-પ્રજાએ લીધો.
વીતરાગી વીર પ્રભુ સિંહાસન પરથી ઉઠી બીજા ગઢમાં દેવજીંદામાં પહોંચ્યા - જ્યારે વિનયવંતા ગૌતમ ગણધરે બીજી પોરૂષીમાં બીજી દેશના પાદપીઠ ઉપર બેસી સંભળાવી.
ખાસ નોંધ : વીર પ્રભુએ પ્રથમ સમવસરણમાં ઈન્દ્રભૂતિ આદિ પંડિતોને પ્રતિબોધી ક્રમશઃ દીક્ષા આપી. ત્યાર પછી ચતુર્વિધ સંઘની સ્થાપના કરી અને ત્રિપદીના દ્વારા ગણધરોને દ્વાદશાંગીની રચના કરવાની શક્તિ (ક્ષયોપશમ) પ્રગટાવી ગણધર પદે સ્થાપ્યો. શક્ય છે આ ક્રમમાં કાંઈક ફરક હોય તો તે માટે જિજ્ઞાસુ વાચક સુધારી અમોને તેના આધાર સહિત વિચારો જણાવશે તો ધન્ય થઈશું.
૨૪
