Page Text
________________
તેમ...
ફૂલ કદી કહેતું નથી - મારી સુગંધ માણવા આવો, ભમરાઓ આકર્ષાઈ ત્યાં પહોંચી જાય છે. ગોળ ક્યારે કહેતો નથી - મારી મીઠાશને ચાખવા આવો, માખીઓ ઉડતી તેની પાસે પહોંચી જાય છે.
સરોવરે કહ્યું નથી - પાણી પીવા આવો,
વાચકો...
તરસ્યા પાણી પીવા દોડી જાય છે.
ધર્મે ક્યારેય કહ્યું નથી - મોક્ષ મેળવવા મારી પાસે આવો, મોક્ષાર્થી ધર્મ પાસે દોડાદોડ કરે છે.
આજે તમારી પાસે આ સાતમું ચિંતનીય પ્રકાશન હાથને શોભાવવા, આંખોને પવિત્ર કરવા, જીવનને ધન્ય કરવા ઘણા ઉમળકાથી આવી રહ્યું છે.
પૂર્વેના (૧) દવા દુઃખ નિવારણની, (૨) જીવનનો સાચો સાથી, (૩) કરમ ન રાખે શરમ, (૪) કરોળીયાની જાળ (પ) શ્રુત સાગર-૧ (5) શ્રુત સાગર-૨ આ પુસ્તકોએ સમાજમાં સારા વિચારોનું વાતાવરણ ઊભું કર્યું છે. જીવનોપયોગી એ વિચારોએ ઘણાના જીવનમાં પરિવર્તન લાવ્યું છે. પાપ કરતો માનવી વિચાર કરતો થયો છે.
આજનું નવું પ્રકાશનનું મુખ્ય નિમિત્તે પૂનાનું ગોડીજી મિત્રમંડળ અને પૂનાની ઉત્સાહી પાઠશાળાના શિક્ષક-શિક્ષીકાઓ તથા અભ્યાસાર્થી છે. તેઓએ સં. ૨૦૪૯માં એક હસ્તલીખિત અંકની હરિફાઈ યોજી હતી. એ ઉપરથી આ જીવનોપયોગી વિષયની તત્ત્વબોધ પરીક્ષા-૧૧ યોજાઈ.
ધર્મના દાન, શીલ, તપ અને ભાવ એ ચાર પ્રકારો છે. કદાચ કોઈ વ્યાપારી બુદ્ધિના ત્રાજવે આ ધર્મને તોલે તો જેમ સર્વ ધર્મમાં સાધર્મિક ભક્તિ મહત્ત્વની કહેવાય છે તેમ એક ત્રાજવામાં ત્રણ અને એક ત્રાજવામાં ભાવધર્મનું સ્થાન આપવું પડે. વ્યવહારમાં કહો કે ધર્મમાં કહો, સંસારમાં કહો કે કુટુંબમાં કહો, ‘ભાવ'ની ઘણી કિંમત અંકાય છે. તેથી આ ચારે ધર્મના વિચારો પરિક્ષાર્થીઓને ઘણું જાણવા, સમજવા, જીવનમાં ઉતારવાનું સાહિત્ય-જ્ઞાન આપશે એ નિશ્ચિત છે.
પુસ્તકનું લેખન-સંપાદન કાર્ય સાહિત્યોપાસક પ્રવર્તક પૂજ્ય મુનિરાજ શ્રી હરીશભદ્રવિજયજી મહારાજે ઘણું જ સરળ અને અનેક ગ્રંથોના સહારે કર્યું છે. વિચારોને સમજાવવા માટે તેઓએ સારો પ્રયત્ન કર્યો છે. એજ રીતે આ કાર્ય અને
૧૦
| SR No. | 006138 |
| Book Title | Maro Sohamano Dharm Sachitra |
| Original Sutra Author | N/A |
| Author | Harishbhadravijay |
| Publisher | Navjivan Granthmala |
| Publication Year | 1999 |
| Total Pages | 194 |
| Language | Gujarati |
| Classification | Book_Gujarati |
| File Size | 6 MB |