________________
(૦૯) સંયમયાત્રા નિર્વહન અંગે સુખશાતા પૃચ્છાપૂર્વક વિધિવત્ વંદન કરીને બદ્ધાંજલિ નતમસ્તકે પરમ વિનમ્રભાવે વિજ્ઞપ્તિ કરી, કે સર્વપર્વશિરોમણિ પર્વાધિરાજરાજેશ્વર શ્રી પર્યુષણા મહાપર્વ એટલે શ્રી સાંવત્સારિક મહાપર્વ જેવા પરમ આરાધ્ય દિને રાજાના પ્રતિબંધથી પુષ્પો મળવાની શક્યતા નથી. પુષ્પો વિના પરમાત્માની પુષ્ય પૂજા અને પ્રભુજીની ભવ્યાતિભવ્ય અંગ રચના શી રીતે કરવી ? ભવ્યાતિભવ્ય અંગરચના વિના પરમાત્માના દર્શનાર્થે પધારનાર પૂજ્ય સકળ શ્રી સંઘના ભાવોની અભિવૃદ્ધિ શી રીતે થશે ? ભાવોની અભિવૃદ્ધિ વિના પૂ. શ્રી સંઘ અશુભકર્મની મહાનિર્જરાનો, અને પુણ્યાનુબંધિપુણ્યનો પરમ સુઅધિકારી શી રીતે થશે ? એ પ્રકારની પૂ. શ્રી સંઘની વિનમ્ર વિજ્ઞપ્તિથી પરમ પૂજ્યપાદ બહુશ્રુત દશપૂર્વધરશ્રી વજસ્વામીજી ગગનગામિની વિદ્યાના પ્રચંડ બળથી માહેશ્વરી નગરીમાં પધાર્યા. ત્યાં હુતાશનદેવ નામના ઉદ્યાનમાં દશપૂર્વધરશ્રીના સંસારી પિતાશ્રી ધનગિરિજીનો મિત્ર તાંડવ નાનો માળી રહેતો હતો. તેના ઉદ્યાનમાંથી પ્રતિદિન ૨૦ (વીશ) લાખ પુષ્પો ઉતરતા હતા. માળીને ૨૦ લાખ પુષ્પો ઉતારીને એકત્રિત કરવાનું જણાવીને દશપૂર્વધર બહુશ્રુત હિમવંત પર્વત ઉપર શ્રી મહાલક્ષ્મીજીના આવાસ સ્થાને પધાર્યા. ત્યાં શ્રી લક્ષ્મીદેવીજી પાસેથી પરમસુગંધી મહાપદ્મકમળ નામના પુષ્પો તિર્યગ જામ્ભક દેવે વિકર્વેલ વિમાનમાં મહા પદ્મ નામના કમળપુષ્પો મુકાવીને એ જ વિમાનમાં દશપૂર્વધર બહુશ્રુત બેસીને તાંડવ માળીને ત્યાં આવ્યા. તેની પાસેથી ૨૦ (વીશ) લાખ સુગંધી પુષ્પો વિમાનમાં મુકાવીને વિમાનમાં બેસીને બૌદ્ધ રાજાની નગરીની સમીપમાં આવી મહોત્સવપૂર્વક નગર પ્રવેશ કરીને પરમ શ્રેષ્ઠ સુગંધી મહાપદ્મ કમળ પુષ્પો અને વિશ લાખ અન્ય સુગંધી પુષ્પો
