________________
તંત્ર સંચાલકોની વિજ્ઞપ્તિથી પૂજ્ય શ્રી સંઘ રોજમેળ અને ખાતાવહીનું અવલોકન કરતાં, કલ્પી ન શકાય તેટલી બધી ધર્મદ્રવ્યની થયેલ અભિવૃદ્ધિ જોઈને પૂજ્ય શ્રી સંઘ પરમ પ્રસન્નતા અનુભવતો હતો. પૂજ્ય શ્રી સંઘો તંત્રસંચાલકોના અણિશુદ્ધ તંત્ર સંચાલનથી પ્રમુદિત થઈને તેમનું ત્રિવિધ ત્રિવિધ ભૂરિશા અનુમોદન કરતક હતા.
તંત્ર સંચાલકો પૂજ્ય શ્રી સંઘને પરમ વિનમ્રભાવે વિજ્ઞપ્તિ કરતા કે તંત્રસંચાલનમાંથી અમારે જે દિવસે નિવૃત થવાનું હોય, તે શુભ દિવસે પરમાત્માની પૂજા ભણાવવાપૂર્વક પૂજ્ય શ્રી સંઘનું સાધર્મિકવાત્સલ્યનો લાભ પૂ. શ્રી સંઘ અમને આપે. તંત્ર સંચાલકોની વિનયપૂર્ણ વિજ્ઞપ્તિથી પૂજ્ય શ્રી સંઘ પ્રસન્નતાપૂર્વક પરમાત્માની પૂજા ભણાવવાનો અને સાધર્મિકવાત્સલ્યનો લાભ લેવા માટે અનુમતિ આપતા હતા. નિવૃત થવાના શુભદિવસે પરમાત્માની પૂજાભણાવવાપૂર્વક સાધર્મિક વાત્સલ્યનો અપૂર્વલાભ લઈને પૂજ્ય શ્રી સંઘને સાલિએ અજાણપણે ક્ષતિ થઈ હોય તદર્થે મિચ્છામિ દુક્કડ દઈને આત્મશુદ્ધિ અર્થે ૫૦૦-૧૦૦૦ રૂપિયા જેવી અતિમાતબર રકમ ધાર્મિકક્ષેત્રમાં પૂજ્ય શ્રી સંઘને અર્પણ કરતા હતાં. તે પ્રસંગે પૂજ્ય શ્રી સંઘના નેત્રોમાંથી દડદડ આંસુ દડતા હતા. પૂજ્ય શ્રી સંઘના અગ્રેસરો નિવૃત્ત થનાર તંત્રસંચાલકોની સેવા ભક્તિની અનુમોદનારૂપે તંત્રસંચાલનની ત્રિવિધ ત્રિવિધ ભૂરિશઃ અનુમોદના કરીને તંત્રસંચાલકોના ભાલપ્રદેશે કેશર કુમકુમનું જ્યોત આકારનું તિલક કરીને ભાલપ્રદેશ અને મસ્તકે અક્ષતથી વધાવીને શ્રી સંઘના અગ્રેસર સુશ્રાવકો સ્વદ્રવ્યથી લાવેલ શાલ દુશાલા સ્વીકારવા અત્યાગ્રહ કરતા હતા. તો પણ તંત્રસંચાલકો સ્વીકારવા સમ્મત થતા ન હતા. ત્યારે શ્રી સંઘ દુશાલા સ્વીકારવા આદેશ