________________
(૪૬) અને ઈંગિત (અણસાર) માત્રમાં હિતાહિત અને સારાસારનો સચોટ નિર્ણય કરી શકે તેવી ઊંડી તલસ્પર્શી કોઠાસૂઝ જેમના લોહી, હાડમાંસના અણુએ અણુમાં વસેલી છે, એવી સુસંસ્કારી પરમ સુકુલીન આર્ય ભારતીય સુજ્ઞ સુકન્યાઓમાં તમને કઈ અભણતા દેખાણી? કે તમે આર્ય ભારતીય સુજ્ઞ સુકન્યાઓને અભણ કહીને એ સુજ્ઞ સુકન્યાઓના મસ્તકે અણછાજતું ભયંકર કલંક ચઢાવવાનું અક્ષમ્ય દુસ્સાહસ કર્યું?
સુજ્ઞ આર્ય કન્યાઓ અભણ હતી જ ક્યારે ? અભણ હતી જે નહિ તથાપિ ભારતીય સુકન્યાઓને અભણ કહી સુકન્યાઓને ભણાવવી જ જોઈએ એવો મિથ્યા પ્રચાર કલ્પાનકાળના એટલે પ્રલયકાળના ઝંઝાવતી પ્રચંડ વાયુની જેમ કરવા લાગ્યા એ ઉપરથી મને તો ભાસે છે, કે પરમ આદર્શ સદાચાર એ જ જેમની જીવનનૌકા ધ્રુવતારક, એ જ જેમના જીવનમસ્તકનો મુગટમણિ. સદાચાર પ્રત્યે એવી ઉદાત્ત સદ્ભાવના ધરાવનાર એવી સુજ્ઞ આ સુકન્યાઓને અભણ કહેનારા મહામૂર્ખ અને પરમ અભણ છે.
કોઈ પણ ગુણાનુરાગી આર્યભારતીય સુજ્ઞજન સુકન્યાઓને માટે સુજ્ઞ સુકન્યાઓ” જેવા સન્માનનીય શબ્દોથી સન્માનવાનો, સુભદ્ર ઉચિત વ્યવહાર કરેલ છે. પણ ધૃણાસ્પદ અપમાન અને તિરસ્કારજનક “અભણ” જેવા તુચ્છ શબ્દનો અભદ્ર કુવ્યવહાર કરવાનું અક્ષમ્ય દુસ્સાહસ તો એકમાત્ર તમે વિદેશી શ્વેત પાશ્ચાત્યોએ જ કરેલ છે. એટલે વિદેશી શ્વેત પાશ્ચાત્યોને) આહ્વાન કરું છું કે
સુજ્ઞ આર્ય સુકન્યાઓ અભણ ક્યારે અને કઈ રીતે હતી ? તે ધર્મગ્રંથોના શાસ્ત્રીય સાક્ષી પાઠોના પુરાવાઓ અને પ્રાચીન મૌલિક ઇતિહાસના ઉલ્લેખોને પુરાવાઓ આપીને સિદ્ધ કરી આપો, સિદ્ધ કરવા અસમર્થ હો, તો નીચે પ્રમાણે લેખિત નિવેદનથી ઘોષિત કરીને ક્ષમા યાચના કરો.
