________________
(૩૬) કોરી પાટી જેવા બાળ માનસ પર કેવી માઠી અસર થશે ? પરમાત્મા જેવા પરમ તારક પ્રત્યે પણ એક સાવ સામાન્ય માનવ છે એવી છાપ બાળ માનસ ઉપર અંકિત થશે અને જો એવું થાય, તો એ બાળ માનસ ઉપર ઉપસેલી એ ખોટી છાપ ભુંસાવી દુષ્કર પ્રાયઃ બને છે અને તેના પરમ અનિષ્ટ પરિણામરૂપે પરમાત્મા પ્રત્યે પરમ ઉચ્ચતમ સમર્પિતભાવપૂર્વક પ્રગટવી જોઈતી પ્રબળ ભક્તિ પણ પ્રગટવી દુષ્કપ્રાયઃ બને અને જો એવું જ થાય તો ઉક્ત અક્ષમ્ય મહાપાપની આકરામાં આકરી શિક્ષા ભોગવવા માટે કુતર્કવાદીઓને ઉત્કૃષ્ટથી અનંતકાળ પર્યન્ત તત્પર રહેવું પડે, તે. પણ આપણાથી નકારી શકાય તેમ નથી.
કેટલાક એવો તર્ક કરે છે, કે અનન્તજ્ઞાનીના વચનાનુસાર શાસ્ત્રોમાં જણાવ્યું છે, કે દેવદ્રવ્યનો ભક્ષક અનન્ત સંસારી થાય. અર્થાત્ ઉત્કૃષ્ટ અનન્ત ઉત્સર્પિણી અવસર્પિણી કાળ પર્યન્ત અનન્તદુઃખમય નરકનિગોદાદિમાં ભટકવું પડે. દેવદ્રવ્યાદિ ધર્મદ્રવ્યનું ભક્ષણ કરીએ તો અનંતકાળ પર્યન્ત ભટકવું પં. પણ અમે તો અમારી જાત માટે કે ખાવા પીવામાં પહેરવા ઓઢવામાં કે અન્ય કોઈ પણ અંગત કાર્યમાં ક્યાંય એક રાતી પાઈ જેટલો યે દેવદ્રવ્યાદિ ધાર્મિક દ્રવ્યનો ઉપયોગ કરતા નથી. તો પછી અમે દેવદ્રવ્યનું ભક્ષણ કર્યું એમ શી રીતે કહેવાય ? અને અમારો અનંત સંસાર વધે શી રીતે? ખર્ચના પ્રમાણમાં સાધારણ ખાતાની આવક બહુ ટૂંકી હોવાથી સાધારણ ખાતાના ખર્ચને પહોંચી વળવા માટે અને સીદાતા શ્રાવકશ્રાવિકાઓને સહાયતા કરવા માટે સ્વપ્નદ્રવ્યમાંથી અમુક ટકા દ્રવ્ય સાધારણ ખાતે લઈ જવાનું જણાવીએ છીએ. એમાં દેવદ્રવ્યાદિ ધાર્મિકદ્રવ્ય ભક્ષણનો પ્રશ્ન જ ક્યાં રહ્યો ? એક બાજુ તો તમે જણાવો છો કે ખાવા પીવા આદિ અમારા અંગત કાર્યમાં અમે એક રાતી પાઈ જેટલો યે દેવદ્રવ્યાદિ ધાર્મિકદ્રવ્યનો ઉપયોગ કરતા નથી.