________________
(૩૧) ઉક્ત ચૌદ મહાસ્વપ્નના ફળવર્ણનમાં પ્રભુજીને ક્યાંય સંસારી આત્મારૂપે વર્ણવ્યા નથી. પરંતુ ઉત્કૃષ્ટ ગુણવાળા શ્રી જિનેન્દ્ર પરમાત્માપે જ વર્ણવ્યા છે, એટલે સ્વપ્નની તથા પારણાની બોલીનું દ્રવ્ય દેવદ્રવ્ય જ છે, અને દેવદ્રવ્યરૂપે જ રહેશે.
શ્રી પ્રેણિક મહારાજા પ્રમુખ આવતી ચોવીશીના તીર્થંકર પરમાત્માના જીવો નરક અને સ્વર્ગ આદિમાં છે. આગામી કાળે થનારા જે તીર્થંકર પરમાત્મામાંથી એક પણ પરમાત્માનું એક કલ્યાણક થયું નથી. તથાપિ એ પરમતારકોનાં પ્રતિમાજી ભરાવીને અંજનવિધિ કરાવીને પ્રતિષ્ઠિત કરાવેલ ઉપલંબ્ધ થાય છે. શ્રી ઉદયપુર (રાજપૂતાના મેવાડ)માં વિશાળકાય દેવાધિદેવ શ્રી પદ્મનાભસ્વામીજી જિનેન્દ્ર પરમાત્મા તથા રાજનગર અમદાવાદમાં વિશા ઓસવાળજ્ઞાતીય શેઠ શ્રી હઠીસિંહભાઈએ સ્વોપાર્જિત દ્રવ્યથી નિર્માણ કરાવેલ શ્રી ધર્મનાથજી જિનેન્દ્ર પરમાત્માના જિનાલયમાં આગામી ચોવીશીના શ્રી પદ્મનાભસ્વામીજી પ્રમુખ જિનબિંબો પ્રતિષ્ઠિત કરાવેલ આજે પણ વિદ્યમાન છે. એ પ્રભુજીની પ્રતિષ્ઠાના ચઢાવા, તેમ જ એ “પરમાત્માની અષ્ટપ્રકારી પૂજાની બોલીના ચઢાવાનું દ્રશ્ય દેવદ્રવ્ય ગણાય કે નહિ? શ્રી મહાવીરસ્વામી ગર્ભ અને જન્મ સમયે કયાં તીર્થકર હતા? ત્યારે તો સંસારી હતા' એવું કહેનારા તમે પણ શ્રી પદ્મનાભસ્વામીજી પ્રમુખ પ્રતિમાજીના ચઢાવાના દ્રવ્યને તો દેવદ્રવ્ય જ માનો છો ને? જો દેવદ્રવ્ય ન માનો તો અનેક ઉપાધિઓ ઊભી થશે. નામ-સ્થાપના-દ્રવ્ય અને ભાવ આ ચાર નિક્ષેપે દેવાધિદેવ શ્રી જિનેન્દ્ર પરમાત્માઓને શાસ્ત્રોએ સ્વીકાર્યા છે, વર્ણવ્યા છે. શ્રી પદ્મનાભસ્વામીજી પ્રમુખ જિનેન્દ્ર પરમાત્માનાં પ્રતિમાજીની પ્રતિષ્ઠા કે પૂજાદિની બોલીના ચઢાવાના દ્રવ્યને દેવદ્રવ્યરૂપે સ્વીકારીએ તો જિનેન્દ્ર પરમાત્માનો સ્થાપના નિક્ષેપો ટકી શકે. એ દ્રવ્યને દેવદ્રવ્યરૂપે ન માનીએ, તો