________________
(૨૦) ગુરુમહારાજશ્રીજીના શ્રીમુખે દેવાધિદેવના જન્મનું શ્રવણ કર્યા પછી, દેવાધિદેવ શ્રી મહાવીરસ્વામીજીને પારણામાં પધરાવવાનો અને દેવાધિદેવને ઝુલાવવાનો એ બે ચઢાવા બોલાશે, એવો અપૂર્વ મહામંગળકારી પુણ્ય અવસર ફરીફરીને પાછો મળવો અતિ દુષ્કર હોવાથી ઉલ્લાસભરી પરમ ઉદારતાથી પરમાત્માને પધરાવવાનો અને ઝુલાવવાનો અપૂર્વ લાભ અવશ્ય મેળવી લેજો. એ પ્રમાણે ઘોષણા કરી ઉક્ત બે ચઢાવા બોલીને જેમણે આદેશ લીધો હોય તેમના શુભ હસ્તમાં શ્રીફળ અર્પણ કરીને તેમની પાસે ત્રણવાર શ્રી નમસ્કાર મહામંત્ર ગણાવીને પરમાત્મારૂપે શ્રીફળને પારણામાં પધરાવે છે. અને ઝુલાવવાનો આદેશ લેનાર પ્રભુજીને ઝુલાવે છે. ભારતભરમાં સાર્વત્રિક શ્રી શ્વેતામ્બર જિનેન્દ્રમૂર્તિપૂજક જૈન સંઘે શ્રીફળને પ્રભુજીરૂપે માન્ય રાખેલ છે. એ માન્યતા પણ ગર્ભથી જ તીર્થંકર પરમાત્મા છે. તેની સિદ્ધિ કરી આપે છે. એટલે જ પરમાત્માના બચિન્ય પ્રભાવે રાજમાતાજીને થયેલ સ્વપ્નદર્શનના ચઢાવાનું દ્રવ્ય દેવદ્રવ્ય જ ગણાય.
શ્રીફળને તીર્થંકર પરમાત્મા માન્યા વિના માત્ર શ્રીફળ-બુદ્ધિથી શ્રીફળ માની પધરાવવાથી અને ઝુલાવવાથી કલ્યાણ અને મોક્ષ થાય તેમ હોય, તો સર્વપ્રથમ કલ્યાણ અને મોક્ષ શ્રીફળને ધારણ કરનાર વૃક્ષનું, અનેક દિવસો પર્યન્ત પ્રતિદિન અનેકવાર ઝુલાવનાર વાયુદેવતાનું, શ્રીફળનું રક્ષણ કરનાર અને ઉતારનાર ખેડૂતનું કલ્યાણ અને મોક્ષ તત્કાળ થવો જોઈએ. પણ એમ થતું નથી.
ચક્રવર્તીનો જીવ રાજમાતાજીની કુક્ષિમાં આવતાં જ રાજમાતાજી ચૌદ સ્વપ્નો જુએ છે, તે સ્વપ્નોની કેમ બોલી બોલતા નથી? ત્યારે તમે તત્કાળ જણાવશો, કે રાજમાતાજીની કુક્ષિમાં ક્યાં તીર્થકર પરમાત્મા છે? એ તો ચક્રવર્તીનો જીવ છે. એમના સ્વપ્નના ચઢાવા
