________________
(૧૯૫)
ક્ષીરાન તો શુદ્ધ હતું ને ? શેઠ બોલ્યા ભગવન્ ! કોઈ દોષ તો મેં જાણેલ નથી. પણ જિનાલયમાં કોઈક પુણ્યવંત ઉત્તમ આત્મા પરમાત્મા સમક્ષ અતિસુંગધી અક્ષતોનો મોટો સ્વસ્તિક આલેખી ગયેલ. તે સુગંધી ચોખાથી ત્રણ ગણા અધિક ચોખા મૂકાને તે સુંગધી ચોખા ઘરે લઈ જઈને શ્રાવિકાને આપ્યા તે સુગંધી ચોખાની રંધાવેલ ખીરમાંથી થોડીક ખીર તપસ્વી મુનિવરને પ્રતિલાભી હતી. શેઠ ભટ્રિક પરિણામી હોવાથી પ.પૂ ગુરુ મહારાજને યથાવસ્થિત વાત જણાવી દીધી. પ.પૂ આચાર્ય મહારાજે જણાવ્યું તમારાથી મહાઅનર્થકારી પાપ થયું છે. શ્રી જૈનસિદ્ધાન્તમાં જણાવ્યું છે, કે ‘‘જિનપ્રવચનનો વૃદ્ધિ કરનાર અને જ્ઞાનદર્શન ગુણની પ્રભાવના કરનાર એવા ઉત્તમ આત્માઓ પણ દેવદ્રવ્યનું ભક્ષણ કરવાથી અનંત સંસારી થઇ શકે છે. અર્થાત્ ઉત્કૃષ્ટથી અનંત સંસારી થાય છે. અને દેવદ્રવ્યનું રક્ષણ કરવાથી પરિત્ત સંસારી થાય છે.
એક અતિધર્મિષ્ઠ ધનાઢય શેઠ હતા. તેમની પડોશમાં નટકુટુમ્બ રહેતું હતું. શેઠ અને નટને અણબનાવ હતો. નટ શેઠને પહોંચી શકતો ન હતો. નટે વિચાર્યું કે હું શેઠને પહોંચવા સમર્થ નથી. માટે શેઠને મારા જેવા નિર્ધન બનાવી દઉં. પછી શેઠ જોર નહીં મારે. એવી કિલષ્ટ ભાવનાથી નટે જિનાલયની ઈંટનો ટૂકડો લાવીને પ્રછન્ન રીતે શેઠના ચણાતા ઘરની ભીંતમાં ચણાવી દીધી. હવે દ્રવ્યના આંશિક ાપથી કાળક્રમે શેઠ નિર્ધન થયા. નટે કહ્યું મારી વિડમ્બના કર્યાનું .રૂપ જોયું ને ? જિનાલયની ઈંટનો ટૂકડો ભીંતમાં જે સ્થળે ચણાવ્યો હતો. તે સ્થળ નટ પાસેથી જાણીને ભીંત કોરાવીને કઢાવી નંખાવ્યો. દેવદ્રવ્યની હાનિના પ્રાયશ્ચિતરૂપે એક નાનું રમણીય જિનાલય નિર્માણ કરાવીને પ્રતિષ્ઠિત કરાવ્યું. ત્યાર પછી શેઠ પુનઃ સુખી થયા.