________________
(૧૭૩)
સ્વજનોને કહેવા લાગ્યો. એટલે તે સ્વજનોના બળથી તેણે ઘરનો તથા નિધિનો અર્ધ ભાગ લીધો ત્યારપછી સમુદ્રનાગના પુણ્ય અર્થે અર્ધા નિધિનો શ્રી શત્રુંજય તીર્થમાં સુવિનિયોગ કરવાનો નિશ્ચય કરી પ્રયાણ કરવા તત્પર થયો. તેવામાં સિંહે રાજા પાસે જઈને નિવેદન કર્યું કે—હૈ ાજન્ ! મારા ભાઈને દ્રવ્યનો નિધિ પ્રાપ્ત થયો છે. તેથી તે યાત્રાના મીષથી તે દ્રવ્ય નિધિ લઈ જાય છે. તેમાં મારો કોઈ દોષ નથી.'' તે સાંભળીને રાજાએ સમુદ્રને બોલાવીને તેને એક મુહૂર્ત કારાગૃહમાં રાખ્યો. એટલે પોતાને કારાગૃહમાં રાખવાનું કારણ જાણીને સમુદ્રે રાજાની પાસે અર્ધો દ્રવ્ય નિધિ મૂક્યો. અને સર્વ વૃત્તાંત જાહેર કરીને નિધિ તથા તેનો લેખ બતાવ્યો. તે જોઈને ‘‘આ સમુદ્ર સત્યવાદી છે'' એમ ધારીને રાજાએ તેને છોડી દીધો, અને ‘આ દેવદ્રવ્ય છે’’ એમ જાણીને ન્યાય તથા ધર્મને જાણનાર રાજાએ તેને નિધિ પાછો આપ્યો. તથા સમુદ્રનો ઘણો સત્કાર કરીને તેને યાત્રા માટે જવા રજા આપી, તેથી દ્વિગુણ ઉત્સાહ પામેલો સમુદ્ર બીજું શુભ મુહૂર્ત લઈને પોતાના કુટુંબ સહિત યાત્રા કરવા નીકળ્યો. પ્રયાણ કરતાં કેટલાક દિવસે તે શ્રી શત્રુંજય તીર્થની નજીક ચાર યોજન દૂર શ્ર. કાંચનપુર નગરમાં પહોંચ્યો, ત્યાં નગરની બહાર તળાવને કાંઠે વિશ્રામ કરી જમવા બેઠો. તે સમયે તે નગરનો રાજા અપુત્રીયો મરણ પામ્યો.
સુયોગ્ય નૂતન રાજાની પ્રાપ્તિ માટે મંત્રી-નગરશેઠ સેનાધિપતિ આદિ રાજરત્નોએ પંચદિવ્યો કર્યાં. તે પંચદિવ્યો મહોત્સવપૂર્વક વાજતે ગાજતે પ્રસ્થાન કરીને જમવા બેસેલ સમુદ્રશ્રેષ્ઠીના સમીપમાં આવીને ગજરાજે તેના ઉપર અભિષેક કર્યો. સમુદ્રશ્રેષ્ઠીને રાજ્યના નૂતન રાજારૂપે ઘોષિત કર્યા. સહજન પ્રધાન સમસ્ત પ્રજાજનોએ જયનાદપૂર્વક નૂતન રાજાને સાચા મોતીઓથી વધાવીને બદ્ધાંજલિ નતમસ્તકે નમસ્કાર કર્યાં. શ્રી સમુદ્રરાજા ગજરાજ ઉપર આરૂઢ
