________________
(૧૮) સૌરાષ્ટ્ર દેશના અલંકારરૂપ શત્રુંજયગિરિ ઉપર સમવસર્યા. ત્યાં રાયણના વૃક્ષ નીચે આશ્રય કર્યો પછી ભગવાને શ્રી પુંડરીક નામના મુખ્ય ગણધરની સન્મુખ જોઈને કહ્યું કે-“આ મહાતીર્થ અનાદિ અનંત કાળનું છે અને કાળના પ્રભાવથી સંકોચ તથા વિકાસ પામે છે. હાલમાં આ ગિરિ મૂળમાં પચાસ યોજન વિસ્તારવાળો છે, અને ઉપર દશ યોજન વિસ્તાર-વાળો છે, તથા આઠ યોજ ઊંચો છે. તે છેવટે સાત હાથનો થઈને ફરીથી તે જ પ્રમાણે વૃદ્ધિ પામશે. આ ગિરિના “શત્રુંજય”, “વિમલાદ્રિ” અને “સિદ્ધક્ષેત્ર” એ ત્રણ શાશ્વતા નામ છે, અને હવે પછીથી તમારી સિદ્ધિ અહીં થવાથી તેનું “પુંડરીક” એવું ચોથું નામ થશે. આ શત્રુંજય ગિરિનું સેવન કરવાથી પાપી પ્રાણીઓ પણ પાપથી મુક્ત થાય છે. “પૃથ્વીના પ્રભાવથી માટી પણ સર્વથી ઉત્તમ રત્નપણાને પામે છે. તે રીતે જે ભવ્ય જીવો કોઈ પણ સમયે આ મહાતીર્થને શુદ્ધ ભાવે દૃષ્ટિપથ કરે છે, (જુએ છે) તેઓને નરક તિર્યંચ ગતિ તો ક્યાંથી હોય? પરંતુ મનુષ્ય તથા દેવગતિમાં પણ તેમનો જન્મ થતો નથી. અર્થાત્ મોક્ષ પ્રાપ્ત થાય છે.” આ પ્રમાણે શ્રી આદીશ્વરજી પરમાત્માના શ્રીમુખે મહાતીર્થનું ફળ સાંભળીને શ્રીપંડ કિ આદિ સર્વ ગણધરો તે મહાતીર્થનું સેવન કરીને સમય આવતાં સિદ્ધિ પદ પામ્યા. શ્રી ઋષભદેવ મોક્ષ પામ્યા પછી તેમના સુપુત્ર ભરત ચક્રવર્તીએ તે શત્રુંજયગિરિ ઉપર સુવર્ણનો પ્રાસાદ કરાવીને તેમાં શ્ર, આદીશ્વરજી પરમાત્માની રત્નમય પ્રતિમા સ્થાપના કરી. જે પ્રાણી આ ગિરિનું નામ પોતાના હૃદયમાં શુદ્ધભાવે વહન કરે છે, તેને કોઈ પણ સમયે કલેશનો એક લેશ પણ સહન કરવો પડતો નથી, અને જે પ્રાણી આ તીર્થના માર્ગ ઉપર હર્ષથી ચાલે છે, તે કદાપિ સંસારમાં પડતો નથી. આ તીર્થ સમાન બીજું કોઈ શ્રેષ્ઠ તીર્થ નથી, આ સમાન બીજું કોઇ અધિક વંદ્ય નથી, તેનાથી બીજું કોઈ અધિક પૂજ્ય નથી, અને તેના કરતાં કોઈ પણ અધિક ધ્યાન કરવા લાયક નથી. આ તીર્થ વિષે અન્ય
