________________
(૧૫૯) અડતાલીશ ક્રોડ ગામ, સોળ હજાર પાટનગર રાજ્યપાની, છત્રીશ હજાર પટ્ટણ (ગામ વિશેષ), બેંતાલીસ લાખ હાથી ઘોડા અને રથનો તે સ્વામી હતો. આવા પ્રકારની પુણ્ય સમૃદ્ધિનો સિત્તેર હજાર વર્ષ સુધી (પભોગ કરીને પોતાના પુત્ર રત્નધ્વજને રાજ્ય અર્પણ કરીને પોતાની સ્ત્રીઓ સહિત પ્રવજ્યા ગ્રહણ કરીને પ્રથમ રૈવેયકમાં દેવ થયો. ત્યાંથી ચ્યવીને મહાવિદેહક્ષેત્રમાં મંગળાવતી વિજયની મંગળાપુરીમાં મંગળ નામના રાજાની જયમંગળા રાણીની કુટિમાં ચૌદ સ્વપ્નથી સૂચિત રત્નજંઘ નામે પુત્ર થશે. તે - અનુક્રમે છ ખંડ સાધીને તથા નવ નિધાન પ્રાપ્ત કરીને ચક્રવર્તી થશે. ત્યાં ઘણા કાળ સુધી રાજ્ય કરીને દીક્ષા ગ્રહણ કરશે. ત્યાં તીર્થકર નામકર્મ ઉપાર્જન કરીને સર્વાર્થસિદ્ધ વિમાનમાં તેત્રીશ સાગરોપમન આયુષ્યવાળા દેવ થશે. ત્યાંથી ચ્યવને પુષ્કરવરદ્વીપને વિષે પુષ્કલાવતી નામના વિજયમાં સુવર્ણનંદન નગરના ચંપકચૂડ રાજાની ત્રિજગત્તિલક નામની રાજરાણીની રકુક્ષિમાં ચૌદ સ્વપ્નથી સૂચિત ભુવનભૂષણ નામે તીર્થંકર પુત્ર થશે, ત્રેસઠ લાખ પૂર્વ વર્ષ પર્યન્ત રાજા કરીને, સાંવત્સરિક દાન આપીને, દીક્ષા ગ્રહણ કરીને, કેવળજ્ઞાન પામીને ધર્મતીર્થ પ્રવર્તાવીને અનંત આનંદમય મોક્ષસુખને પામશે.
આ વરુણદેવનું દૃષ્ટાન્ત
आयाणं जो भंजइ पडिपन्नधणं न देइ देवस्स । नस्संतं समुवेक्खइ सोवि हु परिभमइ संसारे ॥१॥ चेइअदव्वं साहारणं च जो दूहइ मोहिअमइओ । धम्मोवएसो न जाणइ अहवा वद्धाउओ नरए ॥२॥