________________
(૧૪૦) તમે ત્વરાએ બહાર જાઓ.” કુમારે કહ્યું કે- “હું તેને જ પકડવા આવ્યો છું.” ત્યારે તે કન્યા બોલી કે- “જો એમ છે, તો મારા ભાઈને પ્રથમ કોઈ નિમિત્તિયાએ કહ્યું હતું, કે તારી બહેનને જે પરણશે તે તને મારશે. માટે તમે મને તત્કાળ પરણો.” તે સાંભળીને કુમારે તેની સાથે ગાંધર્વ લગ્ન કર્યા. પછી કુમારે કહ્યું કે
“હે પ્રિયે ! તારા ભાઈ સાથે યુદ્ધ કરતાં મને કાંઈપણ અડચણ થાય, તો તારે મારા પિતાની સમીપે જઈને સર્વ વૃત્તાંત કહેવું'' તેવામાં તે રણસિંહ યોર ત્યાં આવ્યો. તેની સાથે કુમાર યુદ્ધ કરવા લાગ્યો. યુદ્ધ કરતાં પ્રાતઃકાળ થયો. તેવામાં તે ચોરે કુમારને ઉપાડી આકાશમાર્ગમાં દૂર ફેંક્યો. ત્યાર પછી તે સુંદરીએ જઈને સર્વ વૃત્તાંત રાજાને નિવેદન કર્યું. તે સાંભળી રાજા હર્ષ તથા શોકમાં મગ્ન થયો. તે સુંદર એ સર્વ ચોરીનું ધન રાજાને સોંપ્યું.
એક દિવસ તે નગરના ઉપવનમાં કોઈક કેવળજ્ઞાની સમવસર્યા. રાજા તથા રાણી પરિવાર સહિત કેવળજ્ઞાની ભગવંતને વંદન કરવા ગયાં. ત્યાં ધર્મદેશના સાંભળીને રાજાએ જ્ઞાની ભગવંતને પૂછ્યું કે“હે ભગવન્! ચોર સાથે લડતા કુમારનું શું થયું? તે કુમાર જીવે છે કે નહીં? તે કૃપા કરીને કહો.” ત્યારે જ્ઞાની ભગવંતે કહ્યું કે“હે રાજન્ ! ચોરે કુમારને ઉછાળીને આકાશમાં નાખ્યો, તે સમયે કુમારે વૃઢ મૂઠીથી ચોરને એવો માર્યો, કે જે ચોર મૂર્શિત થઈને ભૂમિ ઉપર પડ્યો. મૂછ ઊતરતાં ચોર બોલ્યો, કે તું મારી પાસેથી પાઠ કરવા માત્રથી જ સિદ્ધ થાય તેવી આકાશગામિની વિદ્યા ગ્રહણ કર.” ત્યારે કુમારે અંજલિબદ્ધ નત મસ્તકે વિનયપૂર્વક ચોર પાસેથી વિદ્યા ગ્રહણ કરી. પછી ચોર બોલ્યો કે- મને પ્રથમ કોઈ નિમિત્તિયાએ કહ્યું હતું કે તારી બહેન રત્નસુંદરીનો જે પતિ થશે, તે તારો પરાજય કરશે.- તે આજે સત્ય થયું. હે કુમાર ! તમારા પ્રહારથી મારું શરીર જર્જરિત થયું છે, તેથી મને વૈરાગ્ય પ્રાપ્ત થયેલ છે. “હું ચારિત્ર ગ્રહણ કરીશ.” એમ કહી તે ચોરે તે જ
