________________
(૧૪૪) વર્ષનું જેટલું દ્રવ્ય ચઢયું હતું તેથી બમણું દ્રવ્ય તે ધનનંદી પાસેથી લઈને સુવર્ણરુચિએ તેને બંધનથી મુક્ત કરાવ્યો ત્યાર પછી ધનનંદી સુવર્ણરુચિ ઉપર દ્વેષ કરતાં કેટલાક કાળે મરણ પામીને નરકમાં ઉત્પન્ન થયો.
સુવર્ણરુચિ તે નગરમાં આવેલા સર્વ જિનાલયોની સારસંભાળ રાખતા હતા. કેટલેક કાળે શ્રી સુવર્ણરુચિની સુપત્ની રત્નાવલીની કુક્ષિથી પુત્રનો જન્મ થયો. તેનું નામ અહદ્દત્ત રાખ્યું. કાળક્રમે તે યુવાવસ્થા પામ્યો તો પણ દેવગુરુને વંદન પણ કરતા ન હતો. તો પછી ધર્મક્રિયા તો કરે જ શેનો ? પોતાનો કુલાચાર છોડી કુસંગ કરવા લાગ્યો. અસત્ય બોલતો, પ્રાણી હિંસા કરતા, પર ધનની ચોરી કરતો, સાધારણ દ્રવ્ય ખાઈ જતો, અને દેવ દ્રવ્યનો નાશ કરતો. તથા તેવા દ્રવ્યથી જાગાર રમવા લાગ્યો તેથી લોકો તેને અનર્થચોર નામથી બોલાવવા લાગ્યા. પુત્રનાં કુકર્મોથી ત્રાસ પામેલ સુવર્ણરુચિએ પોતાની પત્નીને કહ્યું કે ““હે પ્રિયે ! આપણો આ પુત્ર સાધારણ દ્રવ્ય તથા દેવદ્રવ્યને પણ છોડતો નથી. તેને કોઈ પણ પ્રકારે શિખામણ લાગતી નથી, તેથી હવે તો તે રાજાનો પક્ષ ગ્રહણ કરીને કાઢી મૂકું છું.” આ વાત પુત્રના સ્નેહમાં મોહ પામેલી રત્નાવતીએ કબૂલ કરી નહીં. સુવર્ણરુચિએ ફરીથી કહ્યું- “હે પ્રિયે ! આ પુત્રનું ઉગ્ર પાપ મારાથી જોઈ શકાતું નથી. તેથી હું ચારિત્ર લઈશ.” પછી સુવર્ણરુચિએ સર્વ જિનાલયોનું દેવદ્રવ્ય, જ્ઞાન દ્રવ્ય અને સાધારણ દ્રવ્ય સારા શ્રાવકોને સારસંભાળ માટે સોંપ્યું, અને કહ્યું કે- “હે ભદ્ર જનો ! આજથી મારા પુત્રને આ દેવાદિ દ્રવ્ય તમે સોંપશો નહીં. તેમ જ તે પોતે દેવાદિ દ્રવ્યનો અધિકારી થવા ઇચ્છે તો પણ અધિકાર આપશો નહીં.” તે પ્રમાણે તે શ્રાવકોએ પણ અંગીકાર કર્યું. એક દિવસ પુત્રના સ્નેહથી વ્યાકુળ ચિત્તવાળી રત્નાવતીએ શ્રાવકોને કહ્યું કે- “મારા પુત્રને તમે અતિશય તાડનતર્જન કરશો નહીં. કેમ કે જો તે જિનદ્રવ્યાદિકની સારસંભાળ
