________________
(૧૩૮)
સુવર્ણરુચિ રત્નાવહને ઘેર ગયો. ત્યાં તેણે ધર્મકથા કરતાં વીતરાગ દેવ, સુગુરુ અને સદ્ધર્મનું યથાર્થ સ્વરૂપનું વર્ણન કર્યું તે સાંભળીને રત્નાવહ સાર્થવાહ પોતાના કુટુંબ સહિત અર્હતનો પરમ ભક્ત થયો. પછી તેણે પોતાની પુત્રી રત્નાવતીને મોટા ઉત્સવ પૂર્વક સુવર્ણરુચિ સાથે પરણાવી. સુવર્ણરુચિ તેની સાથે ભોગવિલાસ કરતાં અનેક ધર્મકાર્યો કરવા લાગ્યો. જિનચૈત્યોમાં મહાપૂજાનો કરાવતો, દેવદ્રવ્ય, જ્ઞાનદ્રવ્ય તથા સાધારણ દ્રવ્યની સારસંભાળ પણ જાતે જ રાખતો, તથા જીર્ણ ચૈત્યોના ઉદ્ધાર કરાવતો હતો. તે સર્વ જોઈને એક વખત તેના સસરા સાર્થવાહે કહ્યું કે-‘હે ભદ્ર ! પારકા જિનાલયોનો જીર્ણોદ્ધાર કરવાથી શું ફળ ? માટે પોતાનું દ્રવ્ય ખરચીને નવું જિનાલય કેમ કરાવતા નથી ?'' તે સાંભળીને સુવર્ણરુચિ બોલ્યા-‘‘હૈ પૂજ્ય ! જેણે સારી રીતે જિનૈશ્વર ભાષિત ધર્મનું તત્ત્વ જાણ્યું હોય, તેને પોતાનું જિનાલય અને ૫ કું જિનાલય શું છે ? પરમાર્થ જાણનારા સમક્તિવંત પ્રાણીઓ શાસ્ત્ર. વિધિ પૂર્વક બનેલાં જિન ચૈત્યોને વિષે સમાન આદર રાખે છે. નહી તો ભેદદષ્ટિ રાખવાથી મિથ્યાત્વ પ્રાપ્ત થાય છે. કહ્યું છે કે–
पाएण णंतदेउल जिणपडिमा कारिआउ जीवेण । असमंजसवित्तीए न य सिद्धो दंसणलवो वि ॥१॥
ભાવાર્થ પ્રાયઃ જીવે અસમંજસવૃત્તિથી એટલે જિનાજ્ઞાથી નિરપેક્ષપણે અનંત દેવળ-પ્રતિમાઓ કરાવી, તો પણ તેને દર્શનનો (સમ્યક્ત્વનો) એક લેશ પણ સિદ્ધ થયો નહીં, અર્થાત્ જીવાત્મા અંશમાત્ર સમ્યક્ત્વ ન પામ્યો.
માટે નવાં કરતાં જૂનાં જિનાલયોની સારસંભાળ, ખર્ચ આદિ અભેદ દૃષ્ટિએ કરવાથી સારો લાભ થાય છે. પણ મારું તારું કરવાથી
