________________
(૧૩૦)
જિનચૈત્યથી બહાર આવ્યા. ત્યારે તેમને પૂછતાં રાજાએ ઝમ્પાપાત સુધીનું પોતાનું સર્વ વૃત્તાત જણાવ્યું. શ્રી ધરણેન્દ્ર મહારાજએ બાળમૃત્યુ નિવારીને તેમેના રાજપુત્રોના પૂર્વભવનું સમસ્ત વર્ણન રાજાને નિમ્રોક્ત રીતે જણાવે છે.
નીલ રાજપુત્રના જીવે ચોરના ભવમાં તીર્થયાત્રાએ જતાં શ્રી સંઘને લૂંટીને પૂજ્ય સાધુ મહારાજનો ઘાત કર્યો હતો. મહાનીલ રાજપુત્રના જીવે ક્ષત્રિય જાતિના ભવમાં સ્વસ્ત્રીની હત્યા કરી હતી. કાળ રાજપુત્રના જીવે વણિક્ જાતિના ભવમાં તત્ત્વની નિન્દા કરી હતી, અને મહાકાળના જીવે બ્રાહ્મણ જાતિના ભવમાં દેવદ્રવ્ય અને ગુરુદ્રવ્યની ચોરી કરી હતી. તે મહાપાપકર્મથી દુર્ગતિમાં બહુ ભવો ભમીને અકામ નિર્જરાથી કિંચિત પાપકર્મ ક્ષય થતાં, અનુક્રમે તે ચારે જીવાત્માઓ તમારા પુત્રો થયા. શેષ પાપકર્મના ઉદયથી આ અનિષ્ટ ફળ પામ્યા છો. પુત્રો સહિત તમો આ મહાતીર્થની સેવા કરો. સ્નાનાદિથી પવિત્ર થઈને પ્રતિદિન શ્રી જિનેન્દ્ર પરમાત્માની વિધિવત્ પૂજા કરવા પૂર્વક પિંડસ્થ આદિ ધ્યાન પરાયણ થાઓ. સુસાધુઓને યથાશક્તિ ભક્તિથી પ્રતિલાભો, અર્થાત્ એષણીય શુદ્ધ આહાર પાણી આદિ વહોરવાની ભક્તિ કરો.
એ પ્રમાણે દેવ ગુરુ અને ધર્મરૂપ તત્ત્વત્રયીની આરાધના કરવાથી દુષ્ટ પાપકર્મો ક્ષય થતાં છ માસના અન્ને પુનઃ રાજ્ય પ્રાપ્ત થશે. તે સમયે સાધર્મિકપણાથી હું સહાય કરીશ. આ પ્રમાણે કહીને ધરણેન્દ્ર મહારાજ સ્વસ્થાને ગયા. રાજાએ પણ તે જ રીતે ધર્મ આરાધના કરતાં રાજ્ય મેળવીને અનુક્રમે શ્રી સંકાશ શ્રાવકની જેમ આત્મક્લ્યાણ સાધી મોક્ષપદને પામ્યા.
॥ ઇતિ શ્રી દેવદ્રવ્ય ગુરદ્રવ્યભક્ષક મહાકાળનું દૃષ્ટાન્ત ॥