________________
(૧૧૮) વસ્ત્ર પૂરતા ધનથી વિશેષ ધન સ્વજાત માટે ઉપયોગમાં ન લેવું. એ પ્રમાણે નિયમ કર્યો. પછી જે જે વ્યવસાય, વેપાર, ધંધો કરે છે. તેમાં તેને લાભ થવા લાગ્યો. કેટલાક દિવસોમાં રૂપિયા સાડાબાર (૧૨ ૫૦૦) દેવદ્રવ્યમાં અર્પણ કરીને ઋણમુક્ત થયા. પછી તો તે પુણ્યવાન મહાસમૃદ્ધશાળી થઈને પોતાના દેશમાં જાય છે. ત્યાં ભવ્ય જિનાલય નિર્માણ કરાવે છે. પોતે નિર્માણ કરાયેલ અને પ્રાચીન : જિનાલયોમાં, તેમ જ જ્ઞાનાદિક્ષેત્રમાં સર્વશક્તિથ, ભક્તિ કરે છે. અત્યુલ્લાસથી પૂજા પ્રભાવના આદિ કરવા કરાવ પાપૂર્વક દેવદ્રવ્યનું રક્ષાણ, તેમ જ અભિવૃદ્ધિ કરવાથી “તીર્થકર નામકર્મ બંધાઈને નિકાચિત થયું, યોગ્ય અવસરે દીક્ષા અંગીકાર કરી ગીતાર્થ થયા. અન્તિમ સમયે સંલેખના કરી સર્વાર્થસિદ્ધ વિમાનમાં દેવપણે ઉત્પન્ન થયા. ત્યાંથી અવીને શ્રી મહાવિદેહક્ષેત્રમાં તીર્થકર થઇને મોલમાં ગયા.
છે ઇતિ શ્રી સાગર શેઠ કથાનકમ્ |
શ્રી અન્ધકવૃષ્ણિ રાજાની કથા
શ્રી ભરતક્ષેત્રના સૂર્યપુર (સૌરીપુરી)માં શ્રી રાન્ધકવૃષ્ણિ રાજા રાજ્ય કરતા હતા. એક દિવસ સૂર્યપુર નિટ ઉદ્યા માં શ્રી સુપ્રતિષ્ઠ કેવળજ્ઞાની ભગવન્ત સમવસર્યા છે. ઉદ્યાનપાલકે કેવળજ્ઞાની ભગવત્ત પધાર્યાની રાજાને વધાઈ આપી. રાજ, મહાત્સવપૂર્વક ઉદ્યાનમાં જઇ કેવળજ્ઞાની ભગવન્તને વિધિવત્ વન્દન કરી ધમદશના શ્રવણ કરવા બેઠા, ધર્મદશના પૂર્ણ થતાં રાજાએ પોતાના પૂર્વભવનું ચરિત્ર પૂછયું. કેવળજ્ઞાની ભગવન્ત નીચે પ્રમાણે શ્રી અન્ધકવૃષ્ણિ રાજાનું પૂર્વભવનું ચરિત્ર જણાવે છે.
શ્રી ભરતક્ષેત્રની અયોધ્યા નગરીમાં શ્રી અનન્ત વીર્ય રાજા રાજ્ય કરતા હતા. તે નગરમાં શ્રી સુરેન્દ્રદત્ત વણિક શ્રાવક રહેતા હતા.