________________
(૧૧૫). જળમનુષ્યને પીલે છે. મહાત્રાસ અને અસહ્ય વેદના ભોગવતાં રૌદ્રધ્યાને નરકનું આયુષ્ય બાંધી મરીને ત્રીજી નરકમાં ઉત્પન્ન
થયો.
ત્રીજી નરકનું આયુષ્ય પૂર્ણ થતાં ત્યાંથી નીકળીને પાંચસો (૫૦૦) ધનુષના વિશાળ કાયાવાળો મહામત્યે થયો. મલેચ્છ લોકોએ તે મત્સ્ય પકડીને તેના પ્રત્યેક અંગો છેદે છે. છેદન આદિની અસહ્ય પીડા સહન કરતાં રૌદ્રધ્યાને નરકનું આયુષ્ય બાંધી આયુષ્ય પૂર્ણ થતાં મરીને ચોથી નરકમાં ઉત્પન્ન થયો. એમ એક બે ભવના અન્તરે નરક ગતિ પામીને સાતે નરકમાં બબ્બેવાર ઉત્પન્ન થયો.
દેવદ્રવ્યથી એક હજાર (૧૦૦૦) કાંકણીનો લાભ મેળવવાથી સંલગ્ન કે અન્તરે શ્વાન, બિલાડી, ઉંદર, નોળીયો, સર્પ, ગિરોળી, ઘો, ભૂંડ, ભેંસ, પાડો,બળદ, બકરી, ઘેટો, ઊંટ, ગદર્ભ, ખચ્ચર, ઘોડો, હાથી, હરણ, સસલો, શિયાળ, સાબર, મચ્છ, કાચબો, ભ્રમર, માખી, પતંગ, કીડી, કીડી, જળો, છીપ, શંખ, વિષ્ટાના કૃમિ (કીડો) પૃથ્વીકાય તેઉકાય, વાઉકાય અને વનસ્પતિકાય આદિ પ્રત્યેક જીવયોનિમાં હજાર હજાર વાર ઉત્પન્ન થયો.એ રીતે સર્વ મળી લાખો ભવ થયાં. પ્રાય: તે પ્રત્યેક ભવમાં શસ્ત્રઘાત આદિની મહાવ્યથા સહન કરીને મરણ પામ્યો.
આ રીતે અગણિતકાળ પર્વત પરિભ્રમણ કરતાં સાડા બાર રૂપિયાનું લાગેલ વજ જેવું મહાપાપ મહદંશે ક્ષીણ થતાં, વસંતપુરમાં શ્રી વસુદત્તની પત્ની વસુમતીની કુક્ષિમાં પુત્રપણે ઉત્પન્ન થયો. અલ્પ સમયમાં ધન આદિ સર્વસ્વ નાશ થયું. જન્મદિને જ પિતાનું મૃત્યુ થયું. જન્મથી પાંચ વર્ષે માતાનું મૃત્યુ થયું. જનસમુદાયે (લોકોએ) નિપુણ્યક નામ રાખ્યું, અતિરેક એવી દિન અવસ્થામાં મોટો થવા લાગ્યો. કેટલાંક સમય પછી તેના મામા નિપુણ્યકને પોતાને ઘેર લઈ