________________
આવા ભવ્ય માતા અને પિતાની કુક્ષીએ વિક્રમસંવત્ ૧૯૭૯ મહાસુદિ ૧ શુક્રવાર તા. ૧૮૧-૧૯૨૩ના દિવસે મોસાળની ભૂમિ ઝીંઝુવાડામાં પૂજ્યશ્રી જંબૂવિજયજી મ.સા.નો જન્મ થયો હતો. જન્મ સમયે તેમનું નામ ચિનુ પાડવામાં આવેલ. પણ જન્મથી જ કપાળમાં બીજના ચંદ્ર જેવો આકાર હોવાથી તેમને બીજલના હુલામણા નામે બોલાવતા. તેમના જન્મ પછી માતા અને પિતાએ ૩૨ વર્ષની જોબનવંતી વયમાં જ બ્રહ્મચર્યવ્રતની ભીષ્મપ્રતિજ્ઞા કરી લીધી હતી.
માત્ર ગુજરાતી ૪ ધોરણ સ્કૂલમાં ભણાવી પાંચમા ધોરણમાંથી સ્કૂલમાંથી રજા લેવડાવી દીધી. અને ચીનુભાઈને સાથે રાખીને સંસ્કૃત, પ્રાકૃત, કાવ્ય, વ્યાકરણ વગેરેનો અભ્યાસ દીક્ષા પહેલા જ પૂજ્ય પિતાશ્રીએ કરાવી દીધો. અને પછી ૧૪ વર્ષની ઉંમરે વિક્રમસંવત્ ૧૯૯૩ વૈશાખ સુદિ ૧૩ શનિવાર તા. ૨૫-૫-૧૯૩૭ના દિવસે રતલામમાં પૂ.ચંદ્રસાગરજી મ.સા.ના હસ્તે દીક્ષા આપી. પોતાનાપુત્રને હવે શિષ્ય બનાવ્યા. ગુજરાતમાં તે વખતે ગાયકવાડી સરકારનો બાળ દીક્ષા પ્રતિબંધધારો હોવાથી તેમની દીક્ષા મધ્યપ્રદેશના રતલામમાં થઈ હતી. તેમનું નામ મુનિશ્રી જંબૂવિજયજી રાખવામાં આવ્યું. તે પછી બે વર્ષે માતુશ્રીની દીક્ષા થઈ હતી.
દીક્ષા પછી પૂજ્ય મુનિ શ્રીજીંબૂવિજયજી મ.સા.ને જ્ઞાન-ધ્યાનમાં અજોડ બનાવવા માટે પિતા
