________________
અને સાંપ્રત ગતિવિધીઓની માહિતી જાણી લેતો હતો.
હજુ થોડાક દિવસો પહેલાં જ જીતુભાઈએ કહ્યું હતું, ‘મહારાજ સાહેબને એમના ચાતુર્માસના સ્થળે નાકોડા મળવા માટે ગયો હતો. સાહેબશ્રી આપને ખૂબ ભાવપૂર્વક યાદ કરતા હતા.”
‘તમે એકલા શા માટે ગયા ? મને કહ્યું હોત તો હું પણ સાથે આવત ને !' મારો જવાબ હતો.
[ પણ ‘ભવિતવ્યાનામ્ દ્વારાણિ સર્વત્ર ભવન્તિ !' જે થવાનું હોય છે તે આખરે થઈને જ રહે છે. સત્યાસીમા વરસે પ્રોસ્ટેટના જેવું ભારે ઓપરેશન ખમી શકનાર એમની મજબૂત કાયા કાળનો માર સહન ન કરી શકી. માર્ગ ઉપર વિહાર કરી રહેલા જંબૂવિજયજી મહારાજશ્રી વાહનની ટક્કર લાગતાં કાળધર્મ પામ્યા
મને એમના શબ્દોમાં પૂરી શ્રદ્ધા છે. એમણે મને કહ્યું હતું - ‘ફરીથી જરૂર મળીશું.’ આ ભવે કે બીજા ભવે એવું ક્યાં કહ્યું હતું ? મહાન આત્માઓ ક્યારેય એમણે આપેલા વચનમાંથી ફરી જતા નથી. કાળની આવરદા અનંત છે અને આત્માનું સ્વરૂપ અવિનાશી. લખચોરાશીના આ નિરંતર પ્રવાસમાં કો’ક જન્મારે તો મહારાજશ્રી મને મળશે જ. મને વિશ્વાસ છે.
આ વિશ્વાસ એ જ તો વિશ્વનો શ્વાસ છે.
