________________
આવા હતા મારા દાદા મહારાજ
-પારૂલ રાજેશકુમાર શેઠ પ્રાઇમ મિનિસ્ટરની સાથે કોઇને સારા સંબંધો હોય તો પાંચ માણસની વચ્ચે કોલર ટાઇટ કરીને કહે કે, મારે પ્રાઇમ મિનિસ્ટરની સાથે ખૂબ જ નજીકના સંબંધો છે.... એ જ ન્યાયે હું પણ ગર્વ સાથે કહી શકું કે જિનશાસના રત્ન એવા પૂ. મુનિરાજશ્રી જંબૂવિજયજી મહારાજ મારા પિતાજીના મામા - એટલે કે મારા દાદા થાય.
- આજથી ૩૦ વર્ષ પૂર્વે મારા ગામ માંડલમાં તેમનું ચાતુર્માસ હતું. અનેક પુણ્યાત્માઓએ માસક્ષમણના તપ કર્યા. મારાથી તપ થતો જ ન હતો. આજે પણ ૨ કે ૩ ઉપવાસથી વધુ તપ હું કરી શકતી નથી. પરંતુ એ વર્ષે એમની- માત્ર એમની જ કૃપાદૃષ્ટિથી મારે અટ્ટાઇનો તપ સરળતાથી થયો. એ ચાતુર્માસમાં એમનો પ્રભુ સાથે થતો વાર્તાલાપ જોવાની-માણવાની હું સંભાગી બની હતી. દેરાસરમાં ગયા પછી પ્રભુને બદલે એમને જ નીરખવાનું મન થતું. જ્યારે એમનો માંડલથી વિહાર થયો ત્યારે જૈન-અજૈન દરેકની આંખમાંથી અશ્રુની ધાર ચાલતી હતી. તે દેશ્ય આજે પણ નજર સમક્ષ આવે છે. | અમારા પરિવારે થોડા વર્ષો પૂર્વે પાલીતાણામાં ૯૯ યાત્રા કરાવવાનો લાભ લીધો. પૂજ્યશ્રી પાલીતાણામાં જ બિરાજમાન હતા. અમે નિશ્રા આપવા વિનંતી કરી. પૂજ્યશ્રીએ કહ્યું : આ કાર્ય મારું નથી. મારે તો પાટણ પહોંચવું છે. છતાં જ્યાં સુધી રોકાઇશ ત્યાં સુધી નિશ્રા આપીશ. અમારા સદ્ભાગ્યે અમને એ મહાપુરુષની સંપૂર્ણ નિશ્રા સાંપડી. એમની નિશ્રાનો પ્રભાવ પણ એવો પડ્યો....કે સંપૂર્ણ નવ્વાણું દરમિયાન ન તો કોઇ દુર્ઘટના ઘટી કે ન કોઇ મુશ્કેલી પડી. ન કોઇ વસ્તુ ખૂટી કે ન કોઇને માંદગી નડી. સહુથી વધુ આનંદ તો મને આવ્યો... એ દિવસો દરમિયાન દાદા ગુરુ મહારાજની ગોચરી વહોરાવવાનો લાભ મને મળ્યો. પૂજ્યશ્રીની અમારા પર - અમારા પરિવાર પર અપૂર્વ કૃપાદૃષ્ટિ હતી. મારી દીકરી પિંકી યાત્રા કરીને સીધી દાદા મહારાજના આશીર્વાદ લેવા એમની પાસે જતી... ત્યારે દાદા મહારાજ પણ ખૂબ ભાવથી એને આશીર્વાદ આપતા.
મારી ભાણી કિંજલે (૧૮૦ ઉપવાસની તપસ્વિની) જ્યારે ગિરિરાજમાં ૭૦ ઉપવાસની તપસ્યા સાથે ૧૦૮ યાત્રા પૂર્ણ કરી, ત્યારે એના પારણા વખતે પૂજ્યશ્રી ત્યાં જ બિરાજમાન હતા. પારણા પ્રસંગે
30