________________
આગમો આદિના માધ્યમે પરંપરાથી કંઈક જુદી વાત મળે - એ આપના લેખો દ્વારા જાણવા મળે ત્યારે તો અમને આનંદ થતો જ - પણ આપ ખુદ વાપીથી વડોદરાના વિહારમાં નવો જ વ્યાકરણનો ગ્રંથ મળી જતા, મોટા અક્ષરે એક કાગળ પર તેના ૧૦-૧૦ સૂત્રો લખીને વિહાર દરમિયાન કંઠસ્થ કરતા એવું આપના શિષ્યો દ્વારા જ્યારે સાંભળ્યું ત્યારે તો અમારું મસ્તક જ શરમથી ઝૂકી ગયેલું.
ભક્તોના બરડા પર જોરથી ધબ્બો મારીને વહાલ વરસાવતા આપને જોયા છે; તો સ્તોત્રપાઠ, જાપ, ચૈત્યવંદન કે માંગલિક કરતી વખતે બે હાથની મુઠ્ઠીઓ વાળીને પગ પર થપથપાવતા પણ જોયા છે.
| ચાતુર્માસ દરમિયાન વિદેશી જિજ્ઞાસુઓ (ગોરીયા/ભુરીયા) આપની પાસે આવીને બબ્બે મહિના અભ્યાસ કરતા એવું સાંભળેલું, એની સામે એ વિદેશીઓથી જરાય અંજાયા વગર આપ તો એ જ સાદા ચમા અને સાદા વસ્ત્રોનું પરિધાન કરીને સાદાઈથી જીવન જીવતા... એ તો અમે નજરે જોયેલું..
આપના સ્વર્ગગમન બાદ તો સ્વ-પર સમુદાયના અનેક ગુરુભગવંતોએ ગુણાનુવાદની સભાઓ કરી, પણ આપ જ્યારે હયાત હતા ત્યારે મોટા દિગ્ગજ વક્તાઓ પોતાના જાહેર પ્રવચનોમાં આપના કાર્યોના ગુણાનુવાદ કરતા.
યાદી તો બહુ લાંબી થાય તેમ છે. જેટલું લખીએ એટલું ઓછું છે. વધારે ન લખતા વડોદરામાં આપના
