Page Text
________________
ગિરિરાજ પર ચડતી વખતે દૂરથી મંદિરોની શ્રેણી દેખાતા મસ્તક ઊંચુ કરી ભાવથી જુહારતા આપણે જોયા છે, તો દાદાના દરબારમાં પ્રવેશતા જ ‘દાદા ! હું આવી ગયો છું....” એમ બોલી નાના બાળકની જેમ દાદા સાથે વાત કરતા પણ આપને જોયા છે.
એક નાનકડી ચિક્રિ આવે તોય સ્વ. ગુરુદેવશ્રીની પ્રતિકૃતિને બતાવ્યા વગર આપે વાંચી નથી એ ઘટનાના તો અમે સાક્ષી છીએ, સાથે આપના જન્મદિને સંસારીમાતા સાધ્વીજીના મુખેથી ૨૦-૨૦ મિનિટ સુધી બાળકની જેમ નમ્ર બની આશીર્વાદ લેતા હો...એ પાવન પળોના પણ અમે સાક્ષી છીએ. | કલાકોના કલાકો સુધી શ્રુતના સંશોધનમાં મગ્ન બની જાવ... ત્યારે દૂરથી આવેલા ભક્ત શ્રાવકોને પણ આપની સાથે વાત કરવા વેઈટ કરવું પડે એ અમે સગી નજરે નિહાળ્યું છે, તો શંખેશ્વરના નેપાળી ગુરખા પાસે આપે નેપાળી ભાષા શિખ્યા બાદ એને જ્યારે જ્યારે આપની રૂમમાંથી જતા આવતા જુઓ તો ગુરુજી...' કહીને આપ ઊભા થઈ જતા એવું સંગા કાને સાંભળ્યું છે.
દુષ્કાળના સમયે આપની પ્રેરણાથી આપના ભક્તો દ્વારા લાખો-કરોડો રૂપિયા આપે જીવદયામાં ખર્ચાવેલા એની તો અમને જાણ છે, સાથે લંડનમાં મેડકાઉ ડિસિઝને લીધે ૧ કરોડ ગાયની કતલ થવાની વાત હતી ત્યારે એને કેમ બચાવી લેવી એની ચિંતા કરતા અમે આપને નજીકથી જોયા છે. - આચાર્યપદની તમામ યોગ્યતાઓ ધરાવતા હોવા છતાં આપે એનો સતત ઈન્કાર જ કર્યો.... એ તો અમે જાણતા હતા - પણ મોટા મોટા આચાર્યો પણ આપની આગમ વાચનામાં આપની સામે શિષ્યની જેમ બેસી શ્રવણ કરતા એ તો અમે જોયું પણ છે.
૮૭ વર્ષની જૈફવયે પણ આપ જાતે જ (સ્વહસ્તે) પત્રો લખતા અને આપના અક્ષરો પણ કેટલા સુવાચ્ય-સ્વચ્છ હતા.... એ તો અમારી પાસે રહેલો આપનો અંતિમ પત્ર જ સાક્ષી છે. તે પાછલી ઉંમરે કચ્છ, હિમાલય, સમેતશિખર, જેસલમેર જેવા તીર્થક્ષેત્રોની પગે ચાલીને યાત્રાદિ કર્યા પછી પણ હજી આપ યુ.પી. અને એમ.પી.ના તીર્થક્ષેત્રોની યાત્રા કરવાના મનોરથ સેવી રહ્યા હતા એવું અમને સાંભળવા મળેલું. a વિદ્વાનોએ જેની પંક્તિઓ ઉકેલવી મુશ્કેલ પડે એવા દ્વાદશાર નયચક્ર જેવા સર્વશ્રેષ્ઠ દાર્શનિક ગ્રંથનું ત્રણ ભાગમાં વર્ષોની ભારે મહેનત દ્વારા આપે સંશોધન-સંપાદન કરેલ છે તો આપની પ્રસ્તાવનાથી જાણેલું, સાથે અજ્ઞથી લઈને પ્રાજ્ઞનેય વાંચવું ગમે એવા “હિમાલયની પદયાત્રા જેવા પુસ્તકો પણ પાછલી વયે આપ લખતા ગયા... જે અમે વાંચ્યાં છે. -
| SR No. | 006113 |
| Book Title | Shrutsagar |
| Original Sutra Author | N/A |
| Author | Mahabodhivijay |
| Publisher | Jinkrupa Charitable Trust |
| Publication Year | |
| Total Pages | 104 |
| Language | Gujarati |
| Classification | Book_Gujarati |
| File Size | 12 MB |