________________
કરીને તારા નિજ સ્વભાવનો અચિંત્ય મહિમા લાવીને કેમ નિર્ણય કરવાનો પુરુષાર્થ નથી કરતો! તારામાં એવી પૂરણ અનંત શકિત પડી છે અને તારી યોગ્યતા પણ સહજ સર્વોત્કૃષ્ટ પણ છે તો પછી આવો સુખી થવાનો ઉપાય ખરેખર કરવા જેવો છે. ખરેખર, તારી પ્રત્યક્ષ પ્રગટ પર્યાયમાં તું જ જણાઇ રહ્યો છે. તો તું કેમ માનતો નથી? આવો સોનેરી અવસર ફરી હાથ નહિ આવે. જ્ઞાનીઓ, સંતો, સર્વજ્ઞ બસ આનો જ પુરુષાર્થ કરવાનો ઉપદેશ આપે છે. તેનો હૃદયપૂર્વક સ્વીકાર કરી અંદરથી હકાર લાવ-તારી વર્તમાન જ્ઞાનની પર્યાયમાં તું જ જણાય છે-જે કાંઇ બની રહ્યું છે તેનું તને જ્ઞાન જ થાય છે.- તું બસ જ્ઞાયક છો એનો નિર્ણય કર! તારા જીવનમાં નિર્મળ-પવિત્ર પર્યાય પ્રગટ થતાં તુ ધન્યધન્ય બની જઇશ. તને અતીન્દ્રિય સુખનો અપૂર્વ અનુભવ થશે, જે પૂર્ણ થઇ પૂર્ણ સુખની તને પ્રાપ્તિ થશે અને અનંતકાળ એ ભોગવતો રહેજે!
ARD
