________________
(૧૧) પરીવાર બનાવો-પતિ-પત્ની-બાળકો, ચિત્રો બનાવો, સમાજ, બધું થોડીક વાર માટે દગો આપી જાય કે તમે એકલા નથી-પરંતુ એકલા હોવાપણું મટતું જ નથી.
(૧૨) એકાકીપણું અતિ સુંદર છે, ફકત નકામો ભય માનીને સંગ રાખવાની ચેષ્ટા કરો છે. એ ભયોનું કોઇ વાસ્તવીક કારણ નથી... તમારી ઉંધી માન્યતા એ જ દુઃખનું કારણ છે.
(૧૩) પરમ એકાંત ક્ષણોમાં બીજું કોઈ હોતું જ નથી. પોતાનો જ અનુભવ હોય છે-એકાંતમાં જ પરમ સાક્ષાત્કાર થાય છે. ત્યારે જ તમારો અસલી સ્વભાવ પ્રગટ થાય છે. માત્ર જાણપણું ! બસ તમે જ તમને જાણો છો અને સર્વથી ભિન્ન !
(૧૪) કોઇ પોતાનું નથી એ એટલું મોટું સત્ય છે, કે એનાથી લડશો નહિ. ઘણા તમને આશ્વાસન આપશે કે અમે બધા છીએ ને ? જે પોતાનો નથી તે કેવી રીતે બીજાનો થાય ? કોણ કોની સાથે ગયું છે આજ સુધી-એકલા આવ્યા છો, એકલા જ જીવવાનું છે કોઇની અપેક્ષા વગર અને પોતાનું કામ કરીને એકલા જ જવાનું છે. આપ મૂવા વિના સ્વર્ગ પણ ન જવાય આ તો મોક્ષ દશાની વાત છે-અદભૂત વાત છે પ્રભુ !
--
(૧૫) કેટલીય વાર તમને બધાને નથી લાગતું કે કેટલા એકલા છીએ... પરંતુ ફરી ફરીને આપણે પોતાને જ ભૂલવાની કોશીશ કરીએ છીએ-કેમ કે પોતાના એકલાપણાથી ડર લાગે છે ?
(૧૬) જે તમે પોતે છો તેને જાણવો જ પડશે-પોતાના સત્ય સ્વરૂપ સાથે પરીચય કરવો જ પડશે-અને તો જ સુખ મળશે.
(૧૭) હવે બચવાનું છોડો-જીવનભર બહુ દોડયા... બધી રીતે! કયાં પહોચ્યા ? આજે પણ એજ થઇ રહ્યું છે જે થવા યોગ્ય હતું (ક્રમબદ્ધ) રાજી થઇ જાઓ ! હારેલા કે થાકેલા મનથી નહીં ! પરમ સત્યને સમજીને કે તમે એકલા જ છો !
(૧૮) દિવાલ સાથે માથું ફોડવાથી કાંઇ નહિ થાય, દુઃખ જ થશે. દરવાજાથી બહાર નીકળી જાઓ-ભ્રમની જાળમાંથી બહાર નીકળી જાઓ
