________________
આથી મારા તમે.... સંતપ્ત આ સંસારમાં, કરુણાની જલધારા તમે, ચંદા તમે સૂરજ તમે, તપતેજધર તારા તમે; સહુ જીવથી ન્યારા તમે, સહુ જીવના પ્યારા તમે, હે નાથ ! હૈયું દઈ દીધું, હવે આજથી મારા તમે. (૧) મુજ પુણ્યની પુષ્ટિ તમે, સંકલ્પની મુષ્ટિ તમે, ભવ ગ્રીષ્મતાપે તપ્ત જીવો પર અમીવૃષ્ટિ તમે; આ વિશ્વની હસ્તી તમે, મુજ મનતણી મસ્તી તમે, મુજ નેત્રની દૃષ્ટિ તમે, મુજ સ્વપ્નની સૃષ્ટિ તમે. (૨) હર્ષે ભર્યા હૈયા તમે, ગુણપ્રીતના સૈયા તમે, શુભજીવન કેરી સાધનાના રથતણા પૈયા તમે; દોષોતણા વનમાં ભમતાના છો રખવૈયા તમે, - ભવસાગરે નૈયા તમે, અમ બાળની મૈયા તમે. (૩) નિષ્કારણે ભ્રાતા તમે, સંકટ થકી ત્રાતા તમે, મહાપંથના દાતા તમે, મહારોગમાં સાતા તમે; જેનું ન થાતુ કોઈ જગમાં, તેહના થાતા તમે, શું કહું સંપૂર્ણ શકાયો તણી માતા તમે. (૪) ઔચિત્ય કેરું કદ તમે, જીવો પ્રતિ ગદ્ગદ્ તમે, સર્વોચ્ચ ધરિયું પદ તમે, વળી તેહમાં નિર્મદ તમે; કરુણામહીં બેહદ તમે, શુભતા તણી સરહદ તમે, આતમતણા દુઃસાધ્ય આ, ભવરોગનું ઔષધ તમે. (૫)
જ્યાં કાર્ય કોઈ અટકી પડે, ત્યાં કાર્યસાધક કળ તમે, છો નિર્બળોનું બળ તમે, સંકટ સમય સાંકળ તમે; બની વૃક્ષ લીલાછમ તમારા, આંગણે ઊભા અમે, બસ દર્શને ભીનું બને મન, એહવું ઝાકળ તમે. (૬) કરુણા મહાદેવી તણા સોહામણા નંદન તમે, સંસાર કેરા રણ મહી આનંદની છો ક્ષણ તમે; કષાય કેરી ઉગ્રતાએ પ્રજ્વળતા ચૈતન્યને, બસ નામ લેતા ઠારતું પ્રભુ, એહવું ચંદન તમે. (૭)
so
