________________
ઉપસર્ગ કરનારા જીવોને પણ ક્ષમા પ્રભુ ! દઈ દીધી, આસક્તને વૈરાગ્ય કેરી સ્પર્શના પ્રભુ ! દઈ દીધી, સ્તવના કરીને યાચતા આ બાળનું મન રાખજો, હે નાથ ! નિર્મળતા તણું વરદાન મુજને આપજો. (૫) ભલે રૂપને મહાભાગ્ય આપ તણું અવરને આપજો, વિશ્વાતિશાયી પ્રભાવ જે તે પણ અવરને આપજો , કરજોડી કરગરતા ગરીબને પણ કંઈક પ્રભુ ! આપજો, હે નાથ ! નિર્મળતા તણું વરદાન મુજને આપજો. (૬) જો મોહપીડા ઉપશમે પ્રભુ ! આપ ત્યારે પધારશો, ઉપકારકુન દીસે નહીં કરુણા કિમર્થ વહાવશો, કલ્યાણ કેરો કાળ જાણી નાથ ! હાથ પસારજો, હે નાથ ! નિર્મળતા તણું વરદાન મુજને આપજો. (૭) મનના મલિન વિચારનો કોઈ અંત દેખાતો નથી, કાયા તણી શુભકરણીનો કાંઈ અર્થ લેખાતો નથી, હવે એક ઔષધ આપ તારક પ્રાર્થના અવધારજો, હે નાથ ! નિર્મળતા તણું વરદાન મુજને આપજો. (૮) તવ નયનમાંથી નિખરતા નિર્મળ કિરણ ઝીલ્યા કરું, ને નિર્વિકારદશા તણો હરપળ પ્રભુ ! અનુભવ કરું, મુજને કરાવી શુદ્ધિનું મહાસ્નાન પછી શણગારજો, હે નાથ ! નિર્મળતા તણું વરદાન મુજને આપજો. (૯)
' યાત્રિમાં મુજ મન વસો.... |
. ચારિત્ર જો ના હોય તો સુજ્ઞાન પણ નિષ્ફળ રહે ! ચારિત્ર જો ના હોય તો સદર્શનમ્ નિર્બળ રહે ! સુજ્ઞાન દર્શન પણ સદા ચારિત્રયુક્ત સફળ રહે ! ચારિત્રમાં મુજ મન વસો, ચારિત્ર મુજ તનમાં વસો ! ૧
ચૂમે નિરંતર દેવતા ચારિત્રાધરના ચરણને ! ઝંખે નિરંતર ઇન્દ્ર પણ ચારિત્રના આચરણને !
૫૫
