________________
'અરિહંત ! તુજ સૌદર્ય લીલા..
જાણે કરે છે નૃત્ય ફરફરતાં સરસ પણ અહીં જાણે કરે છે ગાન રણઝણતાં ભ્રમર-વૃન્દો અહીં આપે અશોકતરુ જગતને પ્રેમભીનો આશરો ! અરિહંત ! તુજ સૌન્દર્યલીલા મુજ નયનમાં અવતરો ! * ઊંચા ગગનના ગોખથી આ પુષ્પ રિમઝિમ વરસતાં ! ફેલાવતાં વાતાવરણમાં સ્નિગ્ધ સુંદર સરસતા ! રેલાવતાં સુરભિભય રંગોભરેલાં સરવરો ! અરિહંત ! તુજ સૌન્દર્યલીલા મુજ નયનમાં અવતરો ! * આવો પધારો પરમપદ પામો મહાશય માનવો ! ને ત્યાં તમે શાશ્વત સમય શાશ્વત સુખોને અનુભવો ! જાણે કહે છે આમ આ દિવ્યધ્વનિના સુસ્વરો ! અરિહંત ! તુજ સૌન્દર્યલીલા મુજ નયનમાં અવતરો ! * ખેલે અહો ! આ હંસ જાણે મુખકમલ પાસે અહીં ! મુખકાંતિ લેવા ચાંદસૂરજ સેવતા પાસે રહી ! ઇન્દ્રો સ્વયં ઢાળી રહ્યા આ શ્વેત ઉજ્જવલ ચામરો ! અરિહંત ! તુજ સૌન્દર્યલીલા મુજ નયનમાં અવતરો ! * રૈલોક્ય મહાસામ્રાજ્યના સ્વામી હવે છો પ્રભુ ! તમે દેવો કહે : આ સૂચવવા સિંહાસનનું નિર્યું અમે સિંહાસને બેસો પ્રભુ ! આ સૃષ્ટિનું મંગલ કરો ! અરિહંત ! તુજ સૌન્દર્યલીલા મુજ નયનમાં અવતરો ! * આ દિવ્યભામંડલ અહો ! સૂર્યપ્રભા મંડલ સમું ભીતર-બહાર બધે જ અજવાળાં અજબ ફેલાવતું સૌના હૃદયમાં આ વહાવે હર્ષનો અમૃતઝરો ! અરિહંત ! તુજ સૌન્દર્યલીલા મુજ નયનમાં અવતરો ! * જે દિવ્ય દુંદુભિનાદ દેવોએ ક્યો તે સાંભળી, સૌએ વિચાર્યું, શું અષાઢી ગરજતી આ વાદળી ? શું ખળભળ્યા આજે અચાનક સામટા સૌ સાગરો ? અરિહંત ! તુજ સૌન્દર્યલીલા મુજ નયનમાં અવતરો !
વળ
