________________
'પ્રભુ મિલનની સ્તુતિઓ
૧, રૂપ તારું એવું અદ્ભુત, પલક વિણ જોયા કરું,
નેત્ર તારાં નિરખી નિરખી, પાપ મુજ ધોયા કરું, હૃદયના શુભ ભાવ પરખી, ભાવના ભાવિત બનું, ઝંખના એવી મને કે, હું જ તુજ રૂપે બનું. ૨, દાદા તારી મુખમુદ્રાને, અમીય નજરે નિહાળી રહ્યો,
તારા નયનોમાંથી ઝરતું, દિવ્ય તેજ હું ઝીલી રહ્યો; ક્ષણભર આ સંસારની માયા, તારી ભક્તિમાં ભૂલી ગયો, તુજ મૂર્તિમાં મસ્ત બનીને, આત્મિક આનંદ માણી રહ્યો.
૩, છે પ્રતિમા મનોહારિણી, દુઃખહરી, શ્રી વીરજિણંદની, - ભકતોને છે સર્વદા સુખકરી, જાણે ખીલી ચાંદની;
આ પ્રતિમાના ગુણભાવ ધરીને, જે માણસો ગાય છે, પામી સઘળા સુખ તે જાતના, મુક્તિ ભણી જાય છે. ૪, હે દેવ ! તારા દિલમાં, વાત્સલ્યના ઝરણા ભર્યા;
હે નાથ ! તારા નયનમાં, કરુણા તણા અમૃત ભર્યા, વીતરાગ ! તારી મીઠી મીઠી વાણીમાં જાદુ ભર્યા, તેથી જ તારા ચરણમાં, બાલક બની આવી ચડયા.
૫, પ્રભુ આજ તારા બિંબને જોતા, નયણ સફલાં થયાં,
પાપો બધા દૂર ગયાં, તેમ ભાવ નિર્મળ નીપજ્યા; સંસાર રૂપ સમુદ્રભાસે, ચૂલક સરખો નિશ્ચયે, આનંદ રંગ તરંગ ઉછળે, પદ કમલના આશ્રયે.
૬, યાચક થઈને હું માંગુ છું, હે વીતરાગી ! તારી કને,
મહાવિદેહ ક્ષેત્રમાં જાવું મારે, શ્રી સીમંધર સ્વામી કને;
આઠ વરસની વયમાં મારે, સંયમ લેવું સ્વામી કને; - ઘાતી-અઘાતી કર્મો ખપાવી, આવી પહોંચે તારી કને.
૩૫