________________
તકલીફ આવી હોય તો ત્યારે તે ઘર કરતા વિશેષ સચવાય છે.)
(૪) જે બાળકના વાલી/મા-બાપ હયાત હોવા છતાં પણ તે બાળકની કાળજી લેવા સક્ષમ/યોગ્ય ન હોય. (હકીકતઃ જે બાળકોના મા-બાપ વિકલાંગ હોય અથવા ગંભીર માંદગી કે ગાંડપણથી પીડિત હોય તે બાળકો માટેની આ કલમ પણ જૈન સાધુ-સાધ્વીજી ભગવંતોને લાગુ ન પડી શકે. કારણ કે તેમની કાળજીમાં તેમના ગુરુ, સહવર્તી વૃન્દ, સંસારી સ્વજનો અને સમગ્ર સંઘ કટિબદ્ધ અને પ્રતિબદ્ધ છે.)
(૫) જે બાળકના કોઈ મા-બાપ ન હોય અને જેની કાળજી લેવા કોઈ તૈયાર ન હોય અથવા તો જે બાળક પોતાના માતા-પિતાને છોડીને ભાગી ગયું હોય અને ઘણી તપાસ કર્યા પછી પણ જેના મા-બાપનો કોઈ પત્તો લાગતો ન હોય.
(હકીકતઃ ઘર છોડીને ભાગી ગયેલા, રસ્તા પર કચરાપેટીમાંથી પોતાનો ખોરાક શોધતા, ફૂટપાથ પર કે ફ્લાય ઓવર બ્રિજ નીચે પડ્યા રહેતા બાળકો માટે આ કલમ છે જે જૈન સાધુ-સાધ્વીજી ભગવંતોને લાગુ ન જ પડી શકે કારણ કે તેમની કાળજી લેનારા તમામ પરિબળો/સવલતો વિદ્યમાન છે. અને આ કોઈ ભાગેડું બાળક નથી હોતું.)
(૬) જે બાળક જાતીય સતામણીનો અથવા ગેરકાયદેસર કૃત્યનો ભોગ બને, અથવા જેને ત્રાસ આપવામાં આવે કે જાતીય શોષણ કરવામાં આવે તેવી સંભાવના હોય.
૬૧
