________________
વાર કરાય છે.
દેહ-આત્મા જુદા છે એ થીયરીને સતત ઘુંટ્યા પછી તેને અનુભવવાનો આ એક નાનકડો પ્રયોગ છે. આને કાયકષ્ટને બદલે Practicals of soul-body differentiation theory કહી શકાય. આમ, આ આધ્યાત્મિક શિક્ષણ પદ્ધતિના પાઠ્યક્રમનો એક હિસ્સો છે.
(૩)
બાળવયે દીક્ષા લેનારને જોઈને તરત જ પ્રશ્ન થાય કે “બાળકને આ ઉંમરે કેટલી ખબર પડે? તે શું છોડી રહ્યો છે તેનું તેને જ્ઞાન જ નથી” સમજણ જ ન હોય તેને દીક્ષા કઈ રીતે આપી શકાય?
એક વાત બહુ સ્પષ્ટ છે કે મોટા પાસે હજી બળજબરીથી ત્યાગ કરાવી શકાય, બાળક પાસેથી તેની મનગમતી વસ્તુ તેની મરજી વિરુદ્ધ છોડાવવી ખૂબ અઘરી છે. તે ફૂલ વોલ્યુમમાં રડવા જ માંડે અને તમાશો ખડો કરી દે. તેનાથી ચડિયાતી મનગમતી વસ્તુ મળે તો જ તે સહજ રીતે પેલી વસ્તુ મૂકે. સ્વેચ્છાએ દીક્ષા લેનારા બાળકને જો સાધુજીવન મનગમતું લાગ્યું હશે તો જ તેના બદલામાં તે બધું છોડવા તૈયાર થયો હોય.
આ ઉંમરે છૂટી જતી બીજી ચીજોની વાત છોડો પણ બાળવયે તેને અત્યંત પ્રિય એવી રમતો, રમકડા અને મનભાવન ચોકલેટ્સ જેવી અઢળક વસ્તુઓ તો તેણે વર્તમાનમાં જ છોડવી પડે. તો જ દીક્ષા લઈ શકાય છે. આટલી સાદી અને સીધી સમજ તો બાળક પાસે હોય જ છે
૪૨
