________________
શાસનમાં પૂજ્ય શ્રીઅઈમુત્તાજી પછીથી પૂજ્ય શ્રી વજસ્વામીજી એ પ્રગટેલો રાખ્યો છે. જેના તેજસ્વી પ્રકાશમાં શ્રી જિનશાસન અને ભારત વર્ષ ઝળહળતું રહયું છે. જાણીતા ગુજરાતી લોકકવિ શ્રી ઉમાશંકર જોષી જેમને ગુજરાતની અને ગુજરાતી ભાષાની અસ્મિતાના મૂળમાં હોવાનું કહે છે તે શ્રી હેમચંદ્રાચાર્યજી બાળદીક્ષિત હતા.
આજે પણ અનેક સ્થળે વિશિષ્ટ પદ શોભાવી રહેલા દાયકાઓ પૂર્વેના બાળદીક્ષિતો શાસનને શોભાવી રહયા છે. વર્તમાન શિક્ષણ, વિદેશી તંત્રો, આંતરરાષ્ટ્રીય પરિબળો દ્વારા ઝંઝાવાતી પવન ફૂંકાય છતાં, પૂર્વપુરુષો દ્વારા પ્રગટેલો બાળદીક્ષાનો આ ઝળહળતો દીવો એ અખંડદીવો રહેશે અને શાસનની જ્યોતિ ઝળહળતી રાખશે એ વાત નિઃશંક છે.