________________
શ્રી મૌન એકાદશી / વ્રત કથા
તલારરક્ષક પ્રમુખ સર્વ લોક જૈન ધર્મ પાળવા લાગ્યા. શ્રી જિનશાસનનો મહિમા વધ્યો. રાજા પણ વિસ્મય પામ્યો.
વળી એક વખત મૌનએકાદશીને દિવસે શેઠ પોતાના ગૃહને વિષે પૌષધ લઇ મૌનપણે કાઉસ્સગ્ગ ઉભા છે, તે અવસરે નગરમાં અગ્નિનો પલેવણો લાગ્યો. તે દેખીને સર્વે લોક કોલાહલ કરવા લાગ્યાં, અને અગ્નિ તો સર્વ નગરીમાં પ્રસરી ગયો. શેઠને પાડોશી લોકો બુમ પાડી કહેવા લાગ્યાં કે - હે શેઠજી! તમો જલદી ઘરથી બહાર નીકળી આવો, હઠ ન કરો. તે સાંભળી શેઠ તો કુટુંબ સહિત કાઉસ્સગ્ગ કરતાં ત્યાં જ રહ્યા. લગાર માત્ર પણ અગ્નિથી બીના નહીં. ત્યાં ધર્મના પ્રભાવથી શેઠના ઘર, હાટ, વખારો અને શેઠની ઉપભોગ્ય વસ્તુ તથા જિનભવન અને પૌષધશાળા એ સર્વને ટાળીને શેષ સર્વ નગર બળી ભસ્મ થયું.
જ્યારે પ્રભાત થયું ત્યારે સુવ્રત શેઠનો માલ સર્વ અગ્નિમાંથી ઉગર્યો જોઇને સર્વ નગરવાસી જનો શેઠનો ધન્યવાદ બોલવા લાગ્યા. તે વાત રાજાએ પણ સાંભળી અને હાથી, ઘોડા, મનુષ્ય રથ પ્રધાન, સામંતાદિક પરિવાર પ્રમુખ સાથે લઇ રાજા પોતે શેઠનું ઘર જોવા માટે આવ્યો, ત્યારે સર્વ માલ અખંડ રહ્યો દેખી રાજા ઘણું આશ્ચર્ય પામ્યો. શેઠે પણ રાજાને આવ્યો જાણી તેની આગળ ભેટ મૂકી, મોતીના થાળથી વધાવ્યો. રાજાએ પણ શેઠની ઘણી પ્રશંસા કરી અને કહ્યું કે- તુજને ધન્ય છે, તું આ નગરનું આભરણ છો એમ કહી રાજાએ શેઠને તથા તેની અગીયાર સ્ત્રીઓને ઘણાં વસ, અલંકાર પહેરાવી, માન મહત્ત્વ આપી, શેઠને મળી રાજા પોતાને મંદિરે ગયો. નગરલોક સર્વ શ્રી જૈન ધર્મની પ્રશંસા
