________________
મોડીરાત્રિ સુધી થતા નાચગાન જેવી બાબતમાં એક વાત ચોક્કસ છે કે ધર્મ અને સંસ્કૃતિ જ નહીં, સંસ્કારપ્રેમી પેરન્ટ્સ પણ અસદાચારને વધાવી ન શકે. સંતાનના સંસ્કરણ માટે પેરેન્ટ્સ સજાગ અને સક્રિય રહે તે તેમનું કર્તવ્ય છે. જે કરવાથી કે જ્યાં જવાથી સંતાનના સંસ્કાર અને સદાચારને ધક્કો લાગવાની પૂરી શક્યતા જણાય તેવી વાતમાં તે સંમત નહીં થાય. ઘણા સેલિબ્રેશન્સ ડ્રિક્સ થી લઈને અનેક રીતના અસભ્ય આચરણ અને મર્યાદાભંગ સુધી દોરી જાય છે. આમાં સંસ્કારપ્રેમી પેરન્ટસના અને ધર્મસંસ્કૃતિના નિષેધ કે નિયંત્રણ હોય તે સ્વાભાવિક છે.
સ્વતંત્રતા કે સ્વચ્છંદતાથી કોઈ કાંઈ પણ કરે તેને રોકી શકતા નથી. પણ સંસ્કાર અને સદાચાર પ્રત્યે સજાગ રહેનારા દરેક માટે નિયંત્રણ એ બંધન નથી, જીવનવિકાસની ફોર્મ્યુલાનો એક ભાગ છે. આ સંસ્કાર રક્ષા માટેની વ્યવસ્થાને સુખ પરનું નિયંત્રણ ન માનવું જોઈએ. કોઈ પણ સુરક્ષા વ્યવસ્થાને મૂલવતા ન આવડે તો ચોક્કસ તે બંધનરૂપ તથા સ્વતંત્રતા અને સુખ સામે નિયંત્રણ રૂપ લાગશે જ.
હાથમાં બંદુક હોય એ બધા ખૂની નથી હોતા, ઘણા પોલિસ પણ હોય છે. નિયમો અને નિયંત્રણો બધા બંધનરૂપ નથી હોતા, ઘણા સુરક્ષારૂપ પણ હોય છે.
(વિચારોની દીવાદાંડી)
૬૫
