________________
19
તૈયાર નથી એવા પૂજ્ય પંન્યાસજી મહારાજે આ પુસ્તકની પ્રસ્તાવના લખવાનું આમંત્રણ આપીને મને જાણે ઊંઘમાંથી જાગતો કર્યો છે... કે આ વિષય કેટલો આત્મસ્પર્શી છે અને તે અણખેડાયેલો કેમ રહે !
કોઈ પી.એચ.ડી. ના નિબંધ પર તે વિષયમાં બિલકુલ અલ્પજ્ઞને પ્રસ્તાવના લખવાનું કહેવાય ત્યારે કેવી સ્થિતિ સર્જાય તેવો ઘાટ મારો થયો. પણ છતાં પૂજયપાદ સંઘ એકતા શિલ્પી આ. કે. શ્રી કારસૂરીશ્વરજી મહારાજા તથા મારા સદ્ગરુદેવ પૂજય તપસ્વીરત્ન શ્રી ચંદ્રવ્યશવિજયજી મહારાજાની દિવ્યકૃપાથી તથા પૂજ્ય પંન્યાસજી મ. ની આત્મીયતા ને લાગણીથી પ્રેરાઈને કાંઈક લખાઈ ગયું છે. હું પૂજ્યોનો ઋણી છું.
પદો પોતે જ અધ્યાત્મ જગતનું એક ઘરેણું છે. પણ આવા વિવેચનો : તે ઘરેણાને ઓર ચમક આપી જિજ્ઞાસુઓ માટે આકર્ષણનું કેન્દ્ર બનાવે છે. અનુભવના પ્યાસી સાધકો આ ગ્રંથ વિવેચનને ખૂબ માનપૂર્વક મનના તરંગોને શાંત કરીને વાંચે - માણે ને તેમાં ડૂબે તો જરૂર આત્માનુભવનો પ્રકાશ પામી સ્વના આનંદમાં ડૂબશે. જે અનુભવ પામશે તે પરમનો મહાસ પણ ચાખશે... ગ્રંથવાંચનથી સહુ અનુભવના પરમ મહારસને ચાખો. પીઓ. એજ મંગલકામના
પૂજય પંન્યાસજી મહારાજ દ્વારા આવા અનુભૂતિનાં અગમપ્યાલા પીવડાવતાં વિવેચનો સાધકોને સાધનામાર્ગે મળતાં રહે - એજ અભિલાષા.
કલ્યાણકારિણી જિનાજ્ઞા વિરુદ્ધ તથા શ્રી આનંદઘનજી મહારાજના ભાવોથી વિરુદ્ધ, પૂજય પંન્યાસજી મહારાજ તથા શ્રી સૂર્યવદનભાઈના આશય વિરુદ્ધ કાંઈપણ લખાયું હોય તો તેને સહુ ક્ષમ્ય ગણશો...
લિ. પૂજ્યપાદ સંઘ એક્તા શિલ્પી આચાર્યદેવ શ્રીમદ્ વિજય
ૐકારસૂરીશ્વરજી મહારાજાના શિષ્યરત્ન તપસ્વી પૂજ્ય ગુરુદેવ શ્રી ચન્દ્રયશવિજયજી મહારાજાના શિષ્યાણ
પંન્યાસ ભાગ્યેશવિજયજી ગણિ.