Page Text
________________
જેમના મુખ પર ફાટફાટ પ્રસન્નતા ઊભરાઈ રહી છે. લલાટ અત્યંત તેજસ્વી છે, મુખમાંથી ગંગાના ખળખળ વહેતાં નીર જેવી મધુરી દેશના વહી રહી છે, તેવા મુનિવરને જોતાં જ તે સહજ રીતે આકર્ષાયો. દેશના સાંભળવા બેસી ગયો. -
સર્વદાનમાં શ્રેષ્ઠ દાન અભયદાન છે. કોઈપણ જીવને આપણા તરફથી ભય પેદા ન થવો જોઈએ. તે માટે આપણે કોઈ પણ જીવની હિંસા ન કરવી જોઈએ. આપણા હૃદયમાં સર્વ જીવો પ્રત્યે વાત્સલ્યભાવ ઊછળવો જોઈએ.
અપરાધ કરે તેવા જીવો પ્રત્યે પણ જ્યારે દયા ચિંતવવાની છે ત્યારે જેમણે કાંઈ પણ અપરાધ કર્યો ન હોય તેમને તો પીડા અપાય જ કેમ? તેવા જીવની કદી પણ હિંસા ન કરવાનો બધાએ નિયમ કરવો જોઈએ.
અહિંસાધર્મનું પાલન કરવાથી જીવને આ ભવમાં ય આરોગ્ય અને સૌભાગ્ય પ્રાપ્ત થાય છે. પરલોકમાં સ્વર્ગ અને પરંપરાએ મોક્ષની પ્રાપ્તિ થાય છે.”
મુનિભગવંતના ઉપદેશની ચન્દ્ર ઉપર ધારી અસર થઈ. તેને મુનિવરની વાતો ગમી ગઈ. વંદના કરીને કહ્યું કે “ગુરુદેવ! આપો મને નિયમ. હું યુદ્ધ સિવાય કોઈ જીવોને ક્યારે ય મારીશ નહિ. અરે ! મારી વીરતા બતાડવા પણ ક્યારેય બીજા જીવોની હિંસા કરીશ નહિ.” - ગુરુભગવંતે તેને નિયમ આપ્યો. ભાવભરી વંદના કરીને તે નગરમાં પહોંચ્યો. તેના રુપ, ગુણ, વ્યક્તિત્વ વગેરેથી ત્યાંનો રાજા પ્રભાવિત થયો. તેણે પોતાની વાણીવર્તન દ્વારા પ્રજાનું પણ દિલ જીતી લીધું.
એક વાર તે રાજાએ ચન્દ્રને કહ્યું, “ચન્દ્ર! તારી શક્તિ માટે મને ઘણું માન છે. મને આજે તારું કામ પડ્યું છે. કુંભ નામનો એક ભરાડી ડાકુ અહીં છે. જે અવારનવાર ગાયો ઉપાડી જાય છે, આક્રમણ કરે છે. પ્રજાને ત્રાહીમામ પોકારવે છે.
તેનો કિલ્લો ખૂબ સુરક્ષિત છે. તારે ગમે તે રીતે તે કિલ્લામાં ઘૂસી જઈને સૂતેલા તેની પર ઘા કરીને તેને ખતમ કરી દેવાનો છે.
પણ આ શબ્દો સાંભળીને ચન્દ્ર ચમક્યો. રોમરોમમાં વસેલો અહિંસાધર્મ શી રીતે ચુકાય? તેને વિનયપૂર્વક રાજાને જાણ કરી દીધી કે “રાજનું! તકલીફ બદલ ક્ષમા કરશોજી. પરંતુ મારે પ્રતિજ્ઞા છે કે યુદ્ધ સિવાય કદી ય અપરાધી જીવની હિંસા કરવી નહિ. તેથી હું આપની વાત સ્વીકારી શકું તેમ નથી.”
રાજા પોતે પણ ધર્મી હતો. તેને આ વાત સાંભળતાં ચન્દ્રપ્રત્યે વિશેષ માન થયું. આવા દઢપ્રતિજ્ઞાવાળા યુવાનને પામીને તે પોતાની જાતને ધન્ય માનવા લાગ્યો. તેણે ચન્દ્રને પોતાના અંગરક્ષકોની ટુકડીનોલીડર બનાવ્યો તથા મંત્રીમંડળમાં પણ તેને વિશેષ ( ૬૧
રોજ વ્રત ધરીયે ગુરુ સાખ ,
| SR No. | 006020 |
| Book Title | Vrat Harie Guru Sakh Part 01 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskriti Rakshak Dal |
| Publication Year | |
| Total Pages | 110 |
| Language | Gujarati |
| Classification | Book_Gujarati |
| File Size | 11 MB |