Page Text
________________
ચાલ્યો આવતો તેનો કસાઈનો ધંધો કરવા સમજાવવા લાગ્યા.
પણ વ્રતધારી સુલસ તેમના આગ્રહ સામે જરાય ન ઝૂક્યો. તેણે આ આગારનું સેવન ન કર્યું
જયારે સગાં-સંબંધીઓએ કહ્યું કે “જેમ તારાકમાયેલા ધનમાં અમે ભાગ પડાવીશું તેમ બંધાયેલા કર્મથી આવનારાં દુઃખોમાં ભાગ પડાવશું પણ તું ધંધો કરવાની હા પાડ.” ત્યારે સુલસે પોતાના પગ પર ખોટે ખોટો કુહાડો મારીને જાણે કે ભયંકર પીડા સહતાં સહતાં પોતાના સગાંઓને કહ્યું કે, “અરે છે કોઈ? જે મારી આ પીડામાં ભાગ પડાવે? મારી થોડી પીડા તો કોઈ લો ! મારાથી આ પીડા સહન થતી નથી.”
કોઈએ પાટો બાંધ્યો, કોઈએ મલમ લગાડ્યો, કોઈકે પંખાનો પવન નાંખ્યો, પણ તેની પીડામાં તો કોઈ ભાગ ન પડાવી શક્યું. બધા એમ જ કહે છે કે, “કોઈની પીડા કાંઈ કોઈથી લઈ શકાય નહિ. તે કુહાડો માર્યો તો તેનું દુઃખ તું ભોગવ.”
ત્યારે સુલસે કહ્યું કે, “હું પણ એમ જ કહું છું. આ હિંસક ધંધો કરવાથી તેના બંધાયેલાં પાપોના ઉદયે આવનારાં દુઃખો મારે જ ભોગવવા પડશે. તમે કોઈ તેમાં ભાગ પડાવી શકો તેમ નથી. માટે જ હું આ હિંસક ધંધો કરવાની ના પાડું છું.”
આ રીતે યુક્તિ કરીને, સુલસે પોતાના સ્વજનોને પણ ધર્મના માર્ગે ચડાવ્યા. આ ગુરુનિગ્રહ આગારનો ઉપયોગ કર્યા વિના પોતાના વ્રતનું પૂર્ણ પાલન કર્યું.
(૫) દેવાભિયોગઃ કોઈ કુલદેવતા વગેરેના દબાણને કારણે કે તેમનાથી પોતાના કુટુંબનું મોટું અહિત થશે, તેવા ભયથી ક્યારેક અપવાદનું સેવન કરવું પડે તો આ આગારના કારણે વ્રતનો ભંગ થતો નથી.
સત્ત્વશાળી આત્મા તો આવો કોઈ ભય કદીય રાખતા નથી. પરમાત્મામાં તેમને અવિહડ શ્રદ્ધા હોવાના કારણે તેઓ મસ્ત ખુમારીથી પોતાનું જીવન જીવતાં હોય છે, પણ આવા કોઈ આગારનું આલંબન લઈને અપવાદનું સેવન કરતાં નથી.
પોતાની કુળદેવી કંટકેશ્વરીને બલિ આપવાનો રિવાજ કુળપરંપરાથી ચાલ્યો આવતો હોવા છતાંય કુમારપાળ મહારાજા તે બલિ આપવા કોઈ પણ સંયોગમાં તૈયાર નહોતા.
કંટકેશ્વરી હાથમાં ભાલો લઈ સામે આવી. જો બલિ ન દે તો કોઢ કરી દેવાની તેણે ધમકી આપી દેવીનું આટલું બધું દબાણ હોવા છતાં ય કુમારપાળ મહારાજા આ આગારનો ઉપયોગ કરવા માંગતા નહોતા. તેમણે પૂરા સત્ત્વથી પોતે લીધેલી પ્રતિજ્ઞાનું પૂર્ણ પાલન કર્યું.
(૬) બલાભિયોગઃ બળવાન માણસોના અત્યાગ્રહના કારણે ઝૂકી જવું પડે, કે ૪૪
ધરીયે ગુરુ સાખ કરો
| SR No. | 006020 |
| Book Title | Vrat Harie Guru Sakh Part 01 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskriti Rakshak Dal |
| Publication Year | |
| Total Pages | 110 |
| Language | Gujarati |
| Classification | Book_Gujarati |
| File Size | 11 MB |