Page Text
________________
શબ્દો સરી પડે. ભાવિમાં જૈનકુળમાં જન્મ મળે તેવી યોગ્યતા તે પામી જાય. આવી પ્રભાવના કરવાથી સમકિત વધુ નિર્મળ બને છે.
(૩) ક્રિયા-કૌશલ્ય: સંસારની જુદી જુદી ક્રિયાઓમાં તો કુશળતા અનાદિકાળના કુસંસ્કારોથી સહજ રીતે પેદા થાય છે; પણ તેના બદલે ધર્મની જુદી જુદી ક્રિયાઓમાં કુશળતા એવી પ્રાપ્ત કરવી જોઈએ કે આપણને ધર્મની ક્રિયા કરતાં જોનારને તે ક્રિયા કરવાનું મન થયા વિના ન રહે. તેને પણ જિનશાસનની ક્રિયાઓ તથા ક્રિયા કરનારાઓ પ્રત્યે સદ્ભાવ જાગે.
આપણી ક્રિયાઓ વેઠ ઉતારવા જેવી કે કંટાળાજનક ન બનવી જોઈએ કે જે જોનારના ક્રિયા કરવાના ભાવ ખતમ થઈ જાય.
(૪) અતરંગ જિનભક્તિઃ સમકિતી આત્માએ પોતાના રોમરોમમાં જિનેશ્વર ભગવંતો પ્રત્યે ઊછળતું બહુમાન ધારણ કરવું જોઈએ. ૨૪ કલાક તેના મનમાં માત્ર પરમાત્મા જ વસતા હોય. તેના પ્રત્યેક કાર્યોમાં તે ભગવાનને જ આગળ કરતો હોય. પરમાત્મા પ્રત્યેની આ અંતરંગ પ્રીતિ સમકિતને વિશેષ નિર્મળ કરે છે.
પેલા જીરણ શેઠ ! પ્રભુ મહાવીરના ચોમાસી તપનું પારણું કરાવવાની રોજ ભાવનાઓ ભાવતાં હતા,નવાં નવાં આયોજનો વિચારતા હતા, તેમના રોમરોમમાં તે વખતે પરમાત્મા મહાવીર પ્રત્યેની વિશિષ્ટ ભક્તિ ઊભરાતી હતી. તેમના તે અંતરંગ ભાવો તેમને કેવળજ્ઞાન અપાવવા સમર્થ બનનારા હતા. પણ વચ્ચે અભિનવશેઠના ત્યાં પારણું થતાં, દેવદુંદુભી વાગી. તેમના ભાવોની ધારામાં ખલેલ પહોંચી. તેઓ બારમા દેવલોકમાં ગયા.
(૫) તીર્થસેવા શત્રુંજય - ગિરનાર સમેતશિખર વગેરે તીર્થોની યાત્રા અવશ્ય કરવી જોઈએ. વળી, સાધુ ભગવંતો તો સાક્ષાત્ જંગમ તીર્થ છે. તેમનું દર્શન પણ પવિત્ર છે. તેમના સત્સંગથી જીવનનું પરિવર્તન થયા વિના પ્રાયઃ રહેતું નથી, માટે જેમ તીર્થોની યાત્રા કરીએ છીએ તેમ સાધુ-ભગવંતો રૂપી તીર્થની પણ યાત્રા કરવી જોઈએ, એટલે કે દર વરસે પ-૭ દિવસ કોઈ સંયમી ગુરુભગવંતની પાસે જઈને રહેવું જોઈએ.
તેમનો વ્યક્તિગત પરિચય કરવો જોઈએ. તેમની વ્યક્તિગત મુલાકાત કરવાથી તેમના વિશિષ્ટ ગુણોનો અનુભવ થશે. આપણા સમર્પણ ભાવથી પ્રભાવિત થઈ તેઓ નવા નવા પદાર્થો આપણને આપે. તેમના અંતરમાં રતાં શાસ્ત્રીય રહસ્યો જાણવા મળે. વળી આપણા તેઓ ફેમિલી ગુરુ પણ બને. આપણા આ ભવ અને પરભવ, આપણા સુખ-દુઃખ,અને પુણ્ય-પાપ; બધા વિષયોમાં તેમનું માર્ગદર્શન મળે. તેનાથી માત્ર આપણું જ નહિ, આપણા આખા કુટુંબનું કલ્યાણ થયા વિના ન રહે. તેથી આપણે સતત તેમનો સત્સંગ કરવો જોઈએ. ( ૩૭ માં
વ્રત ધરીયે ગુરુ સાખ ,
| SR No. | 006020 |
| Book Title | Vrat Harie Guru Sakh Part 01 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskriti Rakshak Dal |
| Publication Year | |
| Total Pages | 110 |
| Language | Gujarati |
| Classification | Book_Gujarati |
| File Size | 11 MB |