Vrat Harie Guru Sakh Part 01

SR No.: 006020
Original Sutra Author: N/A
Author: Meghdarshanvijay
Publisher: Akhil Bharatiya Sanskriti Rakshak Dal
Total Pages: 110
Language: Gujarati
Classification: Book_Gujarati
File Size: 11 MB

Page 38

ત્યાગવો જોઈએ.
(૪) પાખંડી વર્જનઃ જેઓ જિનેશ્વર ભગવંતના મતને માનતા નથી. અને સ્વચ્છંદતા પ્રમાણે ગમે તેવા મતો પ્રવર્તાવે છે, તેવા પાખંડીઓનો સંગ પણ કરવો ઉચિત નથી.
કેટલાકો મધ, માખણ, માંસ, મદિરામાં પાપ નથી, તેવું માને છે, અને તેવો ઉપદેશ આપે છે.
કેટલાક નાસ્તિકો ખાઓ-પીઓ ને મજા કરો. આલોક મીઠા તો પરલોક કોણે દીઠા? બસ, મળેલા માનવજીવનને તપસ્યા વગેરે દ્વારા ખતમ કરવાના બદલે ખાઈપી ભોગવીને માણી લેવા જેવું છે, તેવા નાસ્તિક મતનો પ્રચાર કરે છે.
કેટલાક બૌદ્ધ વગેરે મોક્ષ જેવા તત્ત્વને માનતા જ નથી. આત્માનો નાશ થઈ જાય છે, તેવી ખોટી પ્રરુપણા કરે છે.
આત્માને કેટલાક એકાંતે નિત્ય તો કેટલાક એકાંતે અનિત્ય માને છે. આવા વિપરીત માન્યતાઓ ધરાવનારા અન્ય અન્ય મતનો ઉપદેશ દેનારા જે પાખંડીઓ છે તેમનો સંગ પણ કરવો જોઈએ નહિ.
આ પાખંડી વર્જન નામની ચોથી શ્રદ્ધા થઈ.
સમકિતના ત્રણ લિંગોઃ જેને સમ્યગદર્શન પ્રાપ્ત થાય, તેના જીવનમાં ત્રણ ચિતો અવશ્ય આવ્યા વિના ન રહે. તે ત્રણ ચિહ્નો દ્વારા અન્ય વ્યક્તિને પણ સામે રહેલી વ્યક્તિના સમકિતની જાણ થાય.
જેમ આકાશમાં ધૂમાડાના ગોટેગોટાં દેખાય તો ત્યાં અગ્નિ છે, એવું અનુમાન કરી શકાય છે. ધૂમાડો હોય અને અગ્નિ ન હોય તે તો બને જ શી રીતે? અહીંધૂમાડો એ અગ્નિને જણાવનારું લિંગ છે.
તે જ રીતે સમકિતને જણાવનારા પણ ત્રણ લિંગો = ચિહ્નો છે. (૧) સુશ્રુષા (૨) ધર્મરાગ અને(૩) દેવ-ગુરુ સેવા.
(૧) સુશ્રુષાઃ પરમાત્માની વાણીને સાંભળવાની તીવ્રતમ ઈચ્છા. સમકિતી તેને કહેવાય કે જે જિનવાણી સાંભળવા તલપતો હોય. જ્યાં જ્યાં જિનવાણી સાંભળવાનો અવસર મળે ત્યાં ત્યાં તે દોડીને પહોંચતો હોય.
- દેવલોકનાં ગાંધર્વોના સુમધૂર સંગીત સાંભળવા કરતાંય જિનવાણી સાંભળવામાં તેને વિશેષ આનંદ આવતો હોય.
પોતાની દિનચર્યા તે એવી રીતે ગોઠવતો હોય કે જેથી જિનવાણીનું શ્રવણ તેનાથી ચૂકી ન જવાય. પ્રભુની પૂજા પણ તે એવી રીતે કરે છે જેથી જિનેશ્વર ભગવાનની વાણી
૩૧ છે રીતે વ્રત ધરીયે ગુરુ સાખ ,