Page Text
________________
રીતે ભિષ્મ પિતામહને ખબર પડશે તો તારું-મારું આવી બનશે. બ્રહ્મચર્યના પારખાં કરવાના ન હોય !”
અને બીજા દિવસે સવારે જોર જોરથી નગારું વાગવા લાગ્યું. તેના પડઘમ રોજ કરતાં આજે જુદા હતા. શ્રીકૃષ્ણ અર્જુનને કહ્યું, “આ અવાજ સાંભળ! નક્કી કાલની આપણી વાત તેમના કાને પહોંચી ગઈ લાગે છે. આ નગારું કોઈ સામાન્ય માણસ નહિ પણ ભિષ્મ પિતામહ પોતે વગાડતાં લાગે છે. તે સિવાય આવા પડછંદ પડઘા ન પડે. આજે આપણને ખરેખર ભારે પડી જશે.”
અને યુદ્ધના મેદાનમાં અર્જુનને રથમાં બેસાડીને શ્રીકૃષ્ણ પહોંચ્યા ત્યારે ભિષ્મપિતામહે પોતાના ધનુષ્યનો ટંકાર એટલો બધો જોરદાર કર્યો કે જે સાંભળીને બ્રહ્માંડ વિસ્ફોટ સદશ અવાજ થયો. રથના સાતે ઘોડાઓ ભડક્યા. શ્રીકૃષ્ણની પિતાંબરીની ગાંઠ પણ છૂટી ગઈ. માંડ-માંડ તેમણે પિતાંબરીને પકડી રાખી.
જરાક ઘોડાઓને કંટ્રોલમાં રાખીને, પિતાંબરીને ગાંઠ મારવા જાય ત્યાં જ ભિષ્મ ફરીથી ધનુષનો ટંકાર કરે. ઘોડાઓ ભડકે. ગાંઠ મારવાની રહી જાય. એમ કહેવાય છે કે તે દિવસે સૂર્યોદયથી સૂર્યાસ્ત સુધી વારંવાર ધનુષ્યના ટંકાર કરીને ભિષ્મપિતામહ એવા ઘોડાઓને ભડકાવ્યા કે જેના કારણે સૂર્યાસ્ત સુધી શ્રીકૃષ્ણ પોતાની પિતાંબરીની ગાંઠ વાળી ન શક્યા. બ્રહ્મચર્યની વિશિષ્ટ તાકાતનો પરચો તેમણે તે દિવસે યુદ્ધમાં બધાને બરોબર કરાવ્યો. તે તાકાત જોઈને બધા દીંગ થઈ ગયા.
બ્રહ્મચર્યનું પાલન ન કરવાથી, એક જ વારના મૈથુન સેવનમાં આપણા જેવા જ માનવ બનવાની યોગ્યતા ધરાવતા ઉત્કૃષ્ટથી નવ લાખ જીવોનો નાશ થાય છે. તે સિવાય બીજા પણ બેઇન્દ્રિયાદિ અસંખ્ય જીવો તથા અસંખ્ય સંમૂર્ણિમ જીવો પણ ઉત્પન્ન થઈને મરી જાય છે.
એક જ વારના વિષયસુખના ક્ષણિક ભોગમાં અસંખ્ય જીવોના જીવનનો કચ્ચરઘાણ જાણીને કયો ડાહ્યો માણસ બ્રહ્મચર્યનું પાલન કરવા તૈયાર ન થાય?
શાસ્ત્રોમાં જણાવેલ છે કે કરોડો સોનૈયાનું દાન કરવા કરતાં કે સોનાનું જિનમંદિર બંધાવતાં જે ફળ પ્રાપ્ત ન થાય તે ફળ બ્રહ્મચર્યનું પાલન કરનારને મળે. દેવો પણ બ્રહ્મચારીનાં ચરણોમાં વંદન કરે છે કારણ કે દેવા માટે બ્રહ્મચર્યનું પાલન શક્ય નથી. બ્રહ્મચર્યના પાલનથી આ ભવમાં શારીરિક આરોગ્ય, શુદ્ધિ-સમૃદ્ધિ-ઠકુરાઈ, પરલોકે સ્વર્ગાદિના સુખો તથા અલ્પકાળમાં મોક્ષપ્રાપ્તિ થાય છે.
બ્રહ્મચર્યનો પ્રભાવ વિશિષ્ટ છે. ચક્રવર્તીનો ઘોડો પરાણે પણ બ્રહ્મચર્ય પાળે છે તોય આઠમા દેવલોકે જાય છે. પેલી વિધવા સ્ત્રીએ લોકશરમથી બ્રહ્મચર્ય પાળ્યું તો તેના પ્રભાવે ૮૪,૦૦૦વર્ષના આયુષ્યવાળો દેવ બની. પરસ્પરઝગડા કરાવનાર, મનુષ્યોને
M
| SR No. | 006020 |
| Book Title | Vrat Harie Guru Sakh Part 01 |
| Original Sutra Author | N/A |
| Author | Meghdarshanvijay |
| Publisher | Akhil Bharatiya Sanskriti Rakshak Dal |
| Publication Year | |
| Total Pages | 110 |
| Language | Gujarati |
| Classification | Book_Gujarati |
| File Size | 11 MB |