Page Text
________________
પરિણમે છે, તે સર્વદા મુક્ત જ છે. (૮૧)
જે સમિતિ મુનિઓને શીલનું, ચારિત્રનું બળ છે, જે ત્રસ તેમજ સ્થાવર જીવોના ઘાતથી સમસ્ત પ્રકારે દૂર છે, જે ભવ દાવાનળના પરિતાપરપી કલેશને શાંત કરનારી તથા સમસ્ત સુકૃતરૂપી ધાન્યના રાશિને સંતોષનારી મેઘમાળા છે, તે આ સમિતિ જયવંત છે. (૮૨)
આ ભવસાગરમાં સમિતિ રહિત કામાતુર રોગથી પીડિત જનોનો જન્મ થાય છે, તેથી હે મુનિ ! તું તારા મનરૂપી ઘરમાં આ મુકિત માટે નિવાસગૃહ ઓરડો રાખ અર્થાત તું મુકિતનું ચિંતવન કર. (૮૩)
પરબ્રહ્મ-પરમાત્માના આચરણમાં લીન એવા ડાહ્યા પુરૂષોને અંતર્જલ્પથી અંતરંગ વિકલ્પો હોતા જ નથી તો પછી બહિર્ષલ્પની તો વાત જ શું? અર્થાત્ ભાષા બોલવાની જરૂર જ નથી રહેતી. (૮૫)
| ઉત્તમ પરમ મુનિઓની આ સમિતિ સમિતિઓમાં શોભે છે. તેના સંગમાં ક્ષતિ (ક્ષમા) અને મૈત્રી હોય છે, અર્થાત્ આ સમિતિયુક્ત મુનિમાં ધીરજ-સહનશીલતા-ક્ષમા અને મૈત્રીભાવ હોય છે. માટે હે ભવ્ય ! તું પણ તે સમિતિ હૃદયકમળમાં સદા ધારણ કર કે જેથી તું પરમ મુકિતરૂપી લક્ષ્મીને પ્રાપ્ત થઈશ. (૮૭)
સમિતિની સંગતિ દ્વારા ખરેખર મુનિ મનથી અચિંત્ય અને વાણીથી અકથ્ય એવું કોઈ કેવળ સુખામૃતમય ઉત્તમ ફળ શીઘ પામે છે. (૯૦)
ભવ્યજીવ ભવભયની કરનારી સમસ્ત વાણીને છોડી શુધ્ધ સહજ વિલસતા ચૈતન્યનું ધ્યાન કરીને, પછી પાપરૂપ અંધકાર સમુહનો નાશ કરી સહજ મહિમાવંત આનંદસુખની ખાણરૂપ મુકિતને અતિશયપણે પ્રાપ્ત કરે છે. (૯૨)
જે આત્મા જન્મમરણને કરનાર સર્વ દોષોનો પ્રસંગવાળા અનાચારને અત્યંતપણે છોડીને, નિરુપમ સહજ આનંદ-દર્શન-જ્ઞાનવીર્યવાળા આત્મામાં આત્માથી સ્થિત થઈ, બાહ્યાચારથી છૂટીને શમરૂપ સમુદ્રના જળ બિંદુઓના સમુહથી પવિત્ર થાય છે, તે આ પવિત્ર પુરાણ આત્મા મળરૂપી કલેશનો ક્ષય કરી લોકનો ઉત્કૃષ્ટ સાક્ષી થાય છે. (૧૧૪)
ત્રણ શલ્ય (માયા શલ્ય, નિદાન શલ્ય, મિથ્યાત્વ શલ્યો ને
૬૧
| SR No. | 005965 |
| Book Title | Samyakdarshan ane Aatmshakti |
| Original Sutra Author | N/A |
| Author | Mumukshu |
| Publisher | Rasikbhai Shah |
| Publication Year | 2005 |
| Total Pages | 132 |
| Language | Gujarati |
| Classification | Book_Gujarati |
| File Size | 11 MB |