________________
20 «©
તીર્થ સ્તવના
મક્ષીજી તીર્થ (મક્ષી પાર્શ્વનાથ)
મધ્યપ્રદેશ ઉજ્જૈનથી પૂર્વમાં ૪૦ કિ.મી. દૂર શાજાપુર જિલ્લામાં મક્ષી ગામ છે. અહીં શ્વેતાંબર પરંપરાનું મક્ષી પાર્શ્વનાથનું વિશાળ ગગનચુંબી ભવ્ય દેરાસર છે.
આ દેરાસરના મૂળ નિર્માતા માંડવગઢ રાજ્યના તત્કાલીન કોશાધ્યક્ષ સંગ્રામ સોનીએ વિક્રમસંવત ૧૪૭૨માં (ઇ.સ. ૧૪૧૬)માં આચાર્ય શ્રી સોમસુંદરસૂરીશ્વરજીના વરદ હસ્તે મક્ષી પાર્શ્વનાથની પાવનકારી પ્રતિમાની પ્રતિષ્ઠા કરાવી હતી. વરસોના વહાણા વાતાં દેરાસર જીર્ણશીર્ણ બન્યું. ત્યારે લાખ્ખો રૂપિયા ખર્ચીને શ્વેતાંબર જૈન સંઘે ભવ્ય મંદિર બંધાવ્યું હતું. મુખ્ય દેરાસરનું પંચોતેર ફીટ ઉંચું શિખર આ તીર્થનું મુખ્ય આકર્ષણ છે જે બે-ત્રણ કિલોમીટર દૂરથી દેખાય છે.
મૂળનાયક પરમાત્માની શ્યામવર્ણી સલૂણી મૂર્તિ અત્યંત મનોહારી, આકર્ષક અને નયનાભિરામ પ્રતીત થાય છે. મુખ્ય મંદિરની પ્રદક્ષિણાપરિક્રમામાં સંવત-૧૪૭૨ થી સંવત-૧૯૩૮ (ઇસ્વીસન્ - ૧૮૮૧) સુધીનો ઇતિહાસ શિલાલેખોમાં સચવાયેલો છે.
વિ.સં. ૧૯૭૮, ઇ.સ. ૧૯૨૧માં શેઠ આણંદજી કલ્યાણજી ટ્રસ્ટે મક્ષીતીર્થનો વહીવટ વિધિવત્ સંભાળ્યો. ૧૯૬૫માં દેરાસરના શિખરના જિર્ણોદ્ધારનું કાર્ય પ્રારંભાયું.સન્ – ૧૯૭૫માં પેઢીના અધ્યક્ષ શ્રી કસ્તુરભાઈ લાલભાઈના વરદ્ હસ્તે તીર્થ ખાતે નવનિર્મિત ભોજનશાળાનું તથા ૧૯૭૯માં નૂતન ધર્મશાળાનું ઉદ્ઘાટન થયું.
તીર્થનું સરનામું :
શેઠ આણંદજી કલ્યાણજી (શ્રી મક્ષીજી તીર્થ) મુ.પો. મક્ષીજી - ૪૬૫ ૧૦૬ જિ. શાજાપુર (મધ્યપ્રદેશ) ફોન નં. ૦૭૩૬૩/૨૩૩૦૩૭-૨૩૩૩૩૮
