________________
તીર્થ સ્તવના છ00 800 800 13
શ્રી શેરીસા મહાતીર્થ
વિ.સં. ૧૩૮૯માં રચાયેલા ગ્રંથવિવિધ તીર્થકલ્પ (કર્તા આચાર્ય જિનપ્રભસૂરિજી)ના વિવરણ પ્રમાણે બારમી સદીમાં શેરી તીર્થની સ્થાપના આચાર્ય ભગવંત દેવેન્દ્રસૂરિજીના વરદ હસ્તે થઈ હતી. ગૂર્જરેશ્વર કુમારપાળ, મહામંત્રી વસ્તુપાલ-તેજપાલ વગેરેએ અહીંના દેરાસરમાં જિનપ્રતિમાઓ બિરાજમાન કરી હતી. પ્રાચીન સ્તવનો, ચૈત્યપરિપાટીઓ પ્રમાણે ચૌદમાં સૈકાથી સોળમાં સૌકા સુધી આ તીર્થની જાહોજલાલી વિસ્તરેલી હતી. ત્યારબાદ કોઈપણ કારણસર નગર અને તીર્થ ધ્વંસ પામ્યા પણ પ્રતિમાજીમૂર્તિઓ જમીનમાં ભંડારી દેવાથી સુરક્ષિત રહી.
વિ.સં. ૧૯૫૦ આસપાસ અહીંની જમીનમાંથી ઘણીબધી જિન પ્રતિમાઓ નિકળી જેમાં પાર્શ્વનાથ ભગવાનની બે મોટી પ્રતિમાઓ પણ નીકળી આ બધી પ્રતિમાઓને સાચવીને રખાઈ.
પૂજય શાસન સમ્રાટ આચાર્ય ભગવંત શ્રી વિજયનેમિસૂરીશ્વરજી મહારાજ સાહેબ અહીં પધાર્યા અને એમણે અમદાવાદના શ્રેષ્ઠી સારાભાઈ ડાહ્યાભાઈને ઉપદેશ આપીને આ તીર્થના જિર્ણોદ્ધારની પ્રેરણા કરી. શેઠશ્રી સારાભાઈએ શ્રી શેરીસાતીર્થના જિર્ણોદ્ધારનું કાર્ય ઉપાડ્યું. હાલના શિખરબંધી જિનાલયના નિર્માણમાં એ જમાનામાં એમણે ત્રણ લાખથી વધારે રૂપિયાનો સદ્વ્યય કર્યો.
સંવત ૧૯૮૮ના મહાસુદી-૬ને દિવસે તે મૂર્તિઓનો મંદિરમાં પરોણા દાખલ પ્રવેશ કરવામાં આવ્યા હતા. આ જિનાલય તૈયાર થયા પછી વિ.સં. ૨૦૦૨ (ઈ.સ.-૧૯૪૬)માં વૈશાખ સુદ-૧૦ના દિવસે પરમ પૂજ્ય શાસન સમ્રાટ આચાર્ય મહારાજ શ્રી વિજયનેમિસૂરિશ્વરજી મહારાજ આદિની પવિત્ર નિશ્રામાં ઉલ્લાસપૂર્વક પ્રાચીનમાંથી નવીન બનેલ આ જિનાલયમાં
