________________
૧૫
વીશીમાં ફરીથી ભેટ
કમ્મર ગામે આજે સાંજે “બ્લેક-બૅર' વીશીમાં જાઇલ્સ ગેસ્લિગ વીશીવાળાના અધ્યક્ષપણા નીચે ચાલુ રીત પ્રમાણે ગોઠડી જામી હતી. અત્યારના જમાનામાં જેને “ફેરિયો' કહીને આપણે અવગણીએ છીએ, તે માણસ તે જમાનામાં ચાલુ ફેશનની અવનવી કાપડ-સેંટ-અરાર વગેરે વસ્તુઓ દૂર અંદરનાં ગામોમાં પહોંચાડનાર એક વિશિષ્ટ માણસ ગણાતો. ખાસ કરીને સ્ત્રીઓ તેવો માણસ આવે ત્યારે નવી ફેશનને માલ જોવા અને ખરીદવા બહુ ઉત્સુક થઈ જતી.
“બ્લેક-બેર” વીશીમાં આજે એક ફેરિયો તેના માલનાં બંડલ સાથે આવીને ઊતર્યો હતો અને સાંજના મુખ્ય કમરામાં ગામના બીજા મુલાકાતીઓ સાથે વાતોએ વળગ્યો હતો. પણ જૂનો વેપારી માસ્ટર ગેલ્ડબ્રેડ આ ફેરિયો આ તરફ આવ્યાથી બહુ ગિન્નાયો હતો અને તેની સાથે વાતવાતમાં છેડાઈ પડતો હતો.
પણ એટલામાં વીશીની બહાર આંગણામાં નવા મહેમાનો આવ્યાને પોકાર આવતાં, વીશીવાળો તથા તેના નોકરો બહાર દોડી ગયા. થોડા વખતમાં જાઈલ્સ ગોસ્લિગ પોતાની સાથે પોતાના નામચીન ભાણા માઈકેલ લૅમ્બૉર્નને તથા તેની સાથે આવેલા જ્યોતિષી અલાસ્કોને લઈને અંદર આવ્યો. માઈકેલ લેમ્બોર્ન ઠીકઠાક પીધેલ સ્થિતિમાં હતું. અલાસ્કોએ પોતાની લાંબી દાઢી કાતરીને તથા પોશાકમાં યોગ્ય ફેરફાર કરીને પોતાના દેખાવમાં વીસેક વર્ષને ઘટાડો કરી નાખ્યો હતો. અત્યારે તે સાઠેક વર્ષની ઉંમરનો ચપળ માણસ દેખાતે હતા – જ્ઞાનભારથી કે ઉમરભારથી નીચે નમી ગયેલો નહિ.
અલાસ્કો લેમ્બૉર્નને વીશી જેવી જાહેર જગાએ રજૂ થવાને બદલે સીધો કમ્નર-પ્લેસ મુકામે જ જવાનો આગ્રહ કરતો હતો, ત્યારે લેમ્બોર્ન દારૂની મસ્તીમાં ગાળો ઉચ્ચારતો કહેતે હતો, “બધા ગ્રહ-નક્ષત્રોની સોગંદ!