________________
ભૂતની કેદ એટલે મારે આપ નામદાર જેવા ખાનદાન અને મોભાવાળા સગૃહસ્થની ઓથની જરૂર છે જ.”
પછી વેલેન્ટે ટ્રેસિલિયનને ભયરાની બહાર દોર્યો. અને પેલા છછુંદરને બહાર આવવા બૂમ પાડી. પેલો છછૂંદર અંદર થોડો વખત રોકાઈ, ઘોડાને સાજ લઈને બહાર આવ્યો. વેલૅન્ડે પછી ભોંયરાને ઝાંપો બરાબર કાળજીથી ઢાંકી દીધો, જેથી ત્યાં થઈને અંદર ઊતરવાનો રસ્તો છે, તેવી કોઈને ખબર ન પડે. તેણે જણાવ્યું, કદાચ જરૂર પડે તે ફરીથી આ ગુફાનું શરણ લેવું પડે, તેમ જ અંદર જે ઓજારો છે, તે પણ કંઈક કિંમતનાં છે જ.
પછી તેણે સીટી મારી એટલે તેનું ઘોડું દૂર ચરતું હતું તે આવીને હાજર થયું. ટ્રેસિલિયને અને તેણે પોતપોતાના ઘોડાનો સાજ કસી લીધો.
તે વખતે પેલો છછૂંદર એમની વિદાય લેવા નજીક આવ્યો. તેણે વેલૅન્ડને સંબોધીને કહ્યું, “બસ, તો તારા દોસ્તને છોડીને તું ચાલ્યો જાય છે, એમ?”
“સારામાં સારા મિત્રોને પણ છૂટા પાડવાનું તે આવે જભલા ફિલબર્ટીગિબેટ; પણ હું સાચું કહું છે કે, આ આખી વહાઇટ-હૉર્સ ખીણમાંથી જે કોઈને પાછળ મૂકીને જતાં મને દુ:ખ થતું હોય તો તે તું જ છે.”
“પણ હું તને વિદાય નથી આપતો; કારણકે તું પણ પેલા ઉત્સવસમારંભમાં આવશે જ, અને હું તો ત્યાં જવાનું જ છું; હૉલિડે માસ્તર મને ત્યાં લઈ આવવાના જ છે.”
પણ જાળવીને સારા સંગાથમાં જ અહીંથી નીકળજે, એકલે નીકળી ન પડતો. એવા પ્રસંગોએ બહુ ભીડ જામતી હોય છે.”
તે શું તું મને ધાવણો કે સામાન્ય છોકરો માની લે છે? અરે અહીંથી એક માઈલ પણ દૂર નહિ જાય, અને તને મારો પરચો જાણવા મળશે. જોકે, એ વસ્તુ તારા ફાયદામાં જ હશે.”
“તું શું કહેવા માગે છે, અલ્યા છોકરા? “ ટેસિલિયને પૂછ્યું. પણ ફિલબર્ટીડિબેટ તે લોકોને જલદી રસ્તે પડવાની સલાહ આપી ત્યાંથી ઠેકડા ભરત વિદાય થઈ ગયો.
સિલિયને પોતાને કયા સ્થળ તરફ જવું છે એ વેલૅન્ડને કહ્યું, એટલે તેણે એ અફાટ વેરાનમાં આંકી રાખ્યો હોય તેવા એક રસ્તે તેને લીધે.
