________________
સ્પર્શ
મંદિરના ખડબચડાં પગથિયાં પણ પ્રવાસીઓના સતત પગ સ્પર્શથી સુંવાળા થઈ જાય છે, કૂવાના કઠણ પથ્થરમાં પણ પનિહારીના દોરડાના ઘસારાથી કાપા પડી જાય છે, આરસના પથ્થરમાંથી શિલ્પીના ટાંકણાથી સુંદર મૂર્તિ બની જાય છે, તો શું સજાના હૃદય સ્પર્શી સૂર સંગીતથી પાપી પુણ્યશાળી નથાય?
એકાન્તનો ભય
હાં, હવે સમજાયું, તમે એકાન્તથી કેમ ડરો છો? કારણ કે એકાન્તમાં તમારાં પાપો તમને યાદ આવે છે, અને એ યાદ આવતાં તમે ધ્રૂજી ઊઠો છો, એટલે એ પાપોને ભૂલવા તમે કોલાહલમાં ભળો છો અને એનો અવાજ ન સાંભળવા માટે તમે આત્મશ્લાઘાની નકામી વાતોનાં ઢોલ વગાડ્યા કરો છો!
ઠીક છે, આત્માના અવાજને રૂંધવા માટે આ માર્ગ સારો શોધ્યોછે!
જીવન સૌરભ ૨
